Rekuperasaun Ho Dezemvolvimentu TL, MSSI Reuni Ho Parseiru Dezenvolvimentu Sira
Naunil Média (Díli), Kinta Feira ne’e Ministra Solidadridade Sosiál no Inkluzaun (MSSI) Armanda Berta dos Santos, Hala’o reuniaun ho parseiru dezenvolvimentu sira iha Timor-Leste, Relasiona ho kontribuisun nó aktividades prevensaun ho rekuperasaun iha Governu Kontituisionál Da-Walu.
“Objetivu reuniaun atu ita bele hare hamutuk apoiu sira ne’ebé durante ne’e parseiru sira forñese desde tinan naruk ona” Dehan MSSI Armanda Berta Dos Santos, nia diskursu, iha Hotél Timor, Kinta (22/07)
Armanda haktuir, ita hakarak atu hare fali ho prioridade Governu nian sira seluk liu-liu ba programa protesaun Sosiál, Hodi aliña ho MSSI nia planu estratéjiku ba tinan fiskál 2021-2025, hodi kontribui ba atinji planu estratéjiku dezenvolvimentu nasionál 2011-2030 nó mos objetivu dezenvolvimentu sustentavel.
Nia hateten, MSSI nia planu estratejiku akomoda orientasaun politika ligadu protesaun sosiál iha TL.
“Hau hakarak subliña katak MSSI nia planu estratéjiku ida mak atu akomoda orientasaun politika ne’ebé ligadu ba programa protesaun Sosiál iha TL ho pilar importante hanesan kuida saúde bazíku; previdência (Bem estar) no assistência Sosiál,” Esplika Ministra MSSI
Governante ne’e realsa liu tan, MSSI sei nafatin servisu hamutuk ho parseiru sira hodi hadi’ak povu ba moris di’ak liu tan, hasai povu husi mukit, inklui asesu ba eskola.
“Hau mós hare ona notas balun liu hosi enkontru tekniku sira ba apoiu parseiru sira ne’ebé durante ne’e hala’o ho ko’operasaun ho MSSI liu hosi diresaun relevantes sira la’o diak tebes,” Tenik Armanda.
Ikus liu nia hakarak aprezenta mós votus de agradesimentu ba biban sira ne’e hotu.LTS/Ana/ina
