Manifestante Husu Governu Entrega Mate-Isin Armindo Ba Família
Naunil Media (Dili), iha Tersa (13/04) ne’e, portavos Manifestante husi Aparicio Araújo husu, governu tenke entrega mate-isin Armindo Borges bá nia família sira hodi ba halot, se governu la intrega manifestasaun sei kontinua nafatin.
paricio hateten, manifestante sira lakoi matebian Armindu ba hakoi iha Metinaru, no husu líder karismátiku Kay Rala Xanana Gusmão ajuda nafatin família matebian Armindo hodi lori sai ba nian rezidénsia.
“Ami lakoi matebian Armindo ba hakoi iha Metinaru tanba nia mate la’ós ba Covid-19, ami nafatin solidariza atu hakilar no apoia líder Garismatiku Kay Rala Xanana Gusmão hodi lori mate isin entrega ba nia família. Ami mai iha nee atu ezizi ba governu entrega matebian Armindo. Se la entrega ami mós nafatin iha ne’e hotu”, Portavos Aparicio Araújo ba jornalista sira, iha izolamentu Vera Kruz ohin ne’e.
Portavoz ne’e afirma, Amindo nia isin mate ne’ebé mak sei iha Izolamentu Vera Krus tenke entrega ba nia família sira.
Nia haktuir, informasaun husi matebian Armindo mate la’ós Covid-19 maibe parte Sentru Integrasi Jestaun Krize (SIJK) dahan fali Matebia mate ho positivu Covid-19 ne’e la loos.
“Ami lamenta tebes ba ho parte SIJK ne’ebé maka dehan matebian ne’e mate tanba Covid-19. Horseik nia família rasik dehan matebian moras Stuke no moras kleur ona iha uma”. Tenik nia.
Tuir Observasaun Jornalis Naunil Media Nota iha Sentru Izolamentu Vera Crus kuaze nakonu ho Ponlísia Nasionál Timor-Leste (PNTL) husi Unidade Batailaun Orden Publiku (BOP).JJF
