PM Taur: Governu Normaliza Medida Covid-19 iha TL

Naunil Media (Díli), Primeiru Ministru (PM), Taur Matan Ruak hateten, Governu Timor-Leste (TL) deside normaliza medida Covid-19, no loke fali fronteira sira maibé sidadaun sira ne’ebé ultra-pasa Fronteira mak ezizi tenke iha kartaun vasina.

Xefí Guvernu Taur Matan Ruak hato’o lia hirak ne’e ba jornalista sira hafoin enkontru semanal ho Prezidente Repúblika (PR), Francisco Guterres “Lú Olo” iha Palásiu Prezidensiál Nicolau Lobato Bairru Pite, Kinta (17/03).

“Ida seluk mak kona-bá Covid-19, ne’ebé ha’u informa ba Prezidente Repúblika katak, ita deside normaliza no fleksibiliza medida sira, loke fali ita nia fronteira sira no kondisaun ne’ebé ita ezizi mak kartaun vasinasaun de’it”,  dehan Xefí Governu Taur Matan Ruak.

Xefí Guvernu hatutan,  Klaru katak dekretu lei kona-bá normaliza medida Covid-19 ne’e, sei haruka mai Prezidente Repúblika no karik Xefí estadu iha opiniaun ruma, no bainhira analiza dekretu lei ne’e PR sei fó mós opiniaun.

Taur mós relata, Kona-bá halo avaliasaun ba atividade ne’ebé mak liu ona, hanesan kampaña no mós iha oin ne’e preparativu sira ne’ebé halo para eleisaun Primeiru volta ne’e bele la’o di’ak.

Iha enkontru ne’e Prezidente Repúblika mós apoia embora alerta para kontinua nafatin atentu mas nia apoia enprinsipiu. *Jos