SEKoop Lansa Primeira Pedra ba Grupu Kooperativa HJF iha Manufahi

Fahe Tutan

Naunil Media (Manufahi), Sábadu (19/09) ne’e iha Suku Tutuluru no Postu Administrativu Same, Sekretáriu Estadu Kooperativa (SEKoop), Elizario Fereira, lansa primeira pedra (hatur fatuk dahuluk) ba kooperativa Hadomi Jerasaun Futuru (HJF) atu hadi’ak seitór ekonomia komunidade.

Hafoin hatur fatuk dahuluk, ba jornalista sira Sekretáriu Estadu Kooperativa (SEKoop), Elizario Fereira, hateten kooperativa mosu atu rai osan fó funan hodi garantia oan sira nia future.  

“Kreditu ne’e hahu mosu iha Nasaun Alemaña iha tinan 1847, tamba ne’e kooperativa ne’e mosu atu rai osan hodi fó funan ba ita no hodi garantia ita nia oan sira iha futuru liu liu sira nia estudu no sira nia necessidade”, esplika Membru Governu konstitusionál da-ualu, Elizario Fereira.

Governante ne’e dehan, kreditu nia dezafiu mak labele halo sai hanesan problema, maibe sai hanesan oportunidade hodi bele la’o.  

“Ita halo kreditu ne’e sai problema, kreditu sei la la’o ba oin no nia sei mate, tamba ne’e ita hahu uluk lai ho nia hun kona-bá nia lala’ok oinsa atu la’o”, tenik Nia.  

Reprezentante Kooperativa Hadomi Jerasaun Futuru, espresa sentiment kontente no hein katak Governu koperativa ne’e sei kontinua buras.

“Ekipa kontinua la’o ho esperiensia natoón zere orsamentu la’o ba oin”, hateten reprezentane ne’e.

Iha fatin hanesan, xefi suku Tutuluru, Sebastião Da Costa, husu ba ekipa membru grupu kooperativa ne’e kontinua dezemvolve án.

“Hau agradese ba ekipa tomak harii ona kooperativa ida ne’e, hanesan meus ida hodi kria rasik servisu ba án iha futuru no jerasaun”, Dehan Xefe suku ne’e. Kooperativa ne’e lokaliza iha aldeia Dalun, suku Tutuluru Postu Same. Nfm

Leave a Reply

Your email address will not be published.