MS-MJED, Lansa Ona Kampaña Vasinasaun P’Fizer Iha Eskola 30 de Agustu
Naunil Média (Díli), Ministeriu da Saúde (MS), hamutuk ho Miniseteriu da Edukasaun e Juventude Desportu (MEJD), lansa ona kampaña vasinasaun ba P’Fizer, iha Eskola Pre-Secundaria 30 de Agusto.
Kampaña vasinasaun ne’e prefere liu ba joven sira ho tinan 12 to’o 18.
“ Vasina ne’ebe rekomenda mak P’Fizer, produz iha Estadus Unidus America (EUA), ne’ebe hetan aprovasaun husi Organizasaun Mundial Saude (OMS), iha loron 30 fulan dezembru tinan 2020, ba idade 16 ba leten hetan mós aprovasaun ba idade 12 ba leten iha fulan Maio 202,” Dehan MS, Maria Odete Freita Belo, hafoin halo lansamentu kampaña vasinasaun, iha eskola Pre-Secundariu 30 de agostu, Kuarta (27/10)
Nia haktuir, Governo TL desidi atu fo deit vasina PFIZER ba labarik sira ho tinan 12 no menus husi idade 18 deit, Sei la fo ba ema ho tinan 18 ba leten”. Tenik nia
Odete Maria, informa, kona-ba estatistika nasionál vasinasaun Covid-19, Timor-Leste
“ Iha Timor-Leste semana kotuk rejista kaju konfirmadu Covid-19 pozetivu hamutuk19.659, husi total kazu 19 mill, ida ne’e kazu ba labarik tinan 18 mai kraik hamutuk 3.661 kazu 19%, husi kazu ne’ebe mak ohin rejista iha semana kotuk 2.661 mak ho afeta labarik sira,” Haktuir MS
Vasina ne’e ho 0,3 miletes kada doze, lahanesan ho AstraZeneca ho Sinovac, sei nafatin sona iha kabás.
Nia hatutan, importante tebes ba labarik sira atu tenke simu vasina atu sira sira husi moras todan hospitalidade mate ba kauza Covid-19, atu bele prevene transmisaun Covid-19 ho variante Delta.
Iha sorin seluk Ministru Edukasaun Juventude Desportu, Armindo Maia, akresenta, hanesan inan aman hanesan mós Governante buka esforsu oinsa atu esplika ba sira katak, Vasina ne’e di’ak ba labarik sira, katak vasina ne’e la’os Governu mehi kalan depois loron deside ona la’e.
“ Maibé ne’e liu hosi prosesu ne’ebé naruk, depois OMS aprova katak ne’e seguru ba labarik sira, Vasina ne’e mós la’os uza iha ne’e de’it, Maibé uza mós iha ansaun sira seluk.” Nia esplika.LTS
