Bulgaria Hakarak Investe Seitór Turizmu Iha TL

Fahe Tutan

Naunil Media (Díli), Vise Prezidente Câmara Comércio Industria Timor-Leste (CCI-TL) ba asuntu infraestrutura, João Alves, hateten Nasaun Bulgaria hakarak halo investimentu ba area turizmu iha Timor-Leste (TL).

João Alves hateten asuntu ne’e hafoin hafoin reuniaun ho embaixadór Bulgaria mai Timor-Leste, Petar Andonov, iha sede CCI-TL Akait, Sesta (21/02/2020).

“CCI-TL aproveita oportunidade ida ne’e aprenzenta proposta balu ba iha embasador Bulgaria nian, dahuluk sei estabelese akordu bilateral entre Timor-Leste ho Bulgaria. Akordu ne’ebe sei akontese iha tempu badak ne’e, foku liu ba area pontesia turizmu relijioju, turizmu fatin históriku liliu gerileiru sira nian subar fatin”, hateten Vise Prezidente CCI-TL ba asuntu infraestrutura, João Alves.

João haktuir, durante reuniaun ne’e diplomata reprezentante husi Bulgaria Petar Andonov hato’o prontidaun hakarak halo investimentu iha area setór turizmu iha Timor-Leste.

Embaixador Bulgaria Petar Andonov sente kontente tanba direitamente bele sai sasin ba paizajen mesak furak iha Timor-Leste.

“Hosi sorumutuk ne’e ami koalia koalia kona-ba estabelesementu koperasaun ida hodi esplora liu ba area sira ne’ebe bele halo investimentu iha Timor-Leste no ami prontu ajuda Timor hodi halo investimentu, liliu iha area turizmu,” realsa diplomata ne’e.

Koperasaun bilateral entre Bulgaria ho Timor-Leste la’o durante tinan 17 ona, no tuir planu iha tempu badak nia laran sei asina MoU ba area seitór proditivu sira. Ana

Leave a Reply

Your email address will not be published.