Janeiru to’o Fevereiru 2020, Diarea ho ISPA Rejista Ás Iha Sentru Saude Iliomar

Fahe Tutan

Naunil Media (Iliomar), Inisiu tinan 2020 husi fulan Janeiru to’o Fevereiru ne’e moras ho tipu Diarea ho Infeksaun Respiratoriu Aguda (ISPA) rejista ás iha Sentru Saúde Postu Administrativu Iliomar, Munispiu Lautém.

Asuntu ne’e informa husi Xefe Sentru Saúde, Narsizio Camões ‘Nardy’, hateten iha nia kna’ar fatin Sentru Saúde, Postu Administrativu Iliomar, Kinta (20/02/2020).

Xefe Sentru Saúde Narsizio Camões ‘Nardy’, hateten moras ISPA ne’e kauza tempu bailoron naruk hamosu rai rahun fó impaktu ladi’ak ba komunidade sira.

Kauza husi moras diarea dala barak mai husi ai-han ne’ebe la fase no pasiente maioria mak labarik sira tanba gosta halimar udan.

“Ami rezistu ne’e labrik minoridade mak barak liu, maibe la’os labarik ki’ik de’it, inklui mos ema bo’ot. Moras ISPA rejiastu ás tanba kauza husi tempu bailoron naruk hamosu rai rahun barak hodi fó impaktu ba komunidade sira, e nune’e mos diarea ne’e dala barak mai husi ai-han ne’ebe ema konsumu lor-loron, tanba ai-han la fase no maioria konaba labarik sira tanba gosta halimar udan”, hateten Xefe Sentru Saúde Narsizio Camões.

Nardy, relata husi total populasaun postu administrative Iliomar, afeitadu moras diarea atinji pursentu 45 (%) no ISPA pursentu 45 (%).

Nune’e Nia husu ba komunidade sira wainhra la’o iha lurón tenke utiliza masker, atu han karik tenke fase liman ho sabaun no tenke kontrola oan sira labele halimar udan.

Sentru refere iha pesoal saúde kuaze 20, kompostu husi médiku jerál, enfermeiru, parteira no farmasia.

Postu Administrativu Iliomar iha suku 6 mak hanesan, suku Iliomar 1, Iliomar 2, Aelebere, Caenliu, Fuat no Tirilolo ho ninia aldeia 25.

Postu Administrativu Iliomar iha nian luan 302,17 kilómetru (kuadradu) no iha populasaun 10.976 no total uma kain 2.132. Dvo

Leave a Reply

Your email address will not be published.