ONG Luta Hamutuk A-Favór Planu Governu Extende EE ba Dala-IV

Fahe Tutan

Naunil Media (Díli), Diretór ezekutivu Organizasaun Naun Governamental (ONG) Luta Hamutuk, José Alves da Costa, hateten nesesáriu ba Governu Timor-Leste hodi extende tan Estadu Emerjénsia (EE) ba dala haat (IV), tanba rejionalmente no nívelmundial haree Surtu COVID-19 kontinua infekta ba populasaun sira.

Diretór ONG Luta Hamutuk, José Alves da Costa, ba Naunil Media via media social (facebook), Tersa (04/08). Relasiona ho planu Governu konstitusionál da-ualu liu husi reuniaun Konsellu Ministru (KM) extraordinária Segunda semana ne’e, halo deliberasaun atu soisita ba Prezidente Repúblika (PR) Francisco Guterres ‘Lú Olo’ hodi deklara Estadu Emerjénsia dala-ida tan ba loron-30 ligadu ho Surtu COVID-19.

“Planu Governu konstitusionál da-ualu hodi aumemta Estadu Emerjénsia ba dala-IV durante loron 30 tan, ne’e nesesáriu, tanba haree husi moras Surtu COVID-19 regionalmente no nivel mundiál kontinua infekta ba populasaun sira. Estadu Emerjénsia ba da-IV nu’udar meius prevensaun, nunee moras ida ne’e labele daet tan ba sidadaun sira iha rai-laran”, tenik Diretór ONG Luta Hamutuk, José Alves da Costa.

Mezmu Nune’e, Diretór Luta Hamutuk, José Alves da Costa, husu ba Governu atu labele hapara movimetu rai-laran, liu-liu aktividade sociál no ekonomia nomos movimentu polítika.

“Husi hau nia observasaun rai-laran diak hela, no kontroladu ba C19. Ita haree ba pontu tolu,  husi pedidu EE foun, limite direitu rezistensia ne’e nia signifika ladauk klaru, karik atu hapara asaun popular sira hasoru injustise sociál, ne’e laloos no Governu hakarak hamate liberdade de espresaun”, dehan José Alves da Costa.

Diretór ONG Luta Hamutuk ne’e, José Alves da Costa, afirma pozisaun nu’udar sosiedade sivíl konkorda polítika Governu hodi extende tanba la taka dalan ba aktividede sira iha rai-laran.

“Signifika la limite aktividade ekonomia rai-laran. Ne’e diak tamba taka deit dalan tama husi nasaun seluk”. hakotu Nia. Tri

Leave a Reply

Your email address will not be published.