MAPKOMS Seidauk Fihir Ema Foun Subtitui Prezidente Tatoli,IP

Naunil Media (Díli), Ministru Asuntu Parlamentár no Komunikasaun Sosiál (MAPKOMS), Francisco Jeronimo, informa dadaun ne’e nia seidauk fihir ema foun atu subtitui fatin atual Prezidente Tatoli,IP, José da Costa, tanba ne’e nia (José) sei kontinua servisu to’o loron 30 fulan Agostu ne’e.

“Ha’u hasoru ona, ami rua ko’alia ona kona-ba ninia rezignasaun, maibé ha’u husu nia adia to’o 30  Agostu lai, tanba Ministériu ne’ebé tutela ba iha iha instituisaun ajénsia Tatoli seidauk hetan fali ema ruma hodi substitui, agora sei hanoin hela nomós haree ho lei sira”, MAPKOMS, Francisco Jeronimo, ba jornalista sira,  iha Edifisiu Ministériu Finansas, Aitarak Laran, Tersa (04/08).    

“Ha’u simu ona karta ofisiál ida husi Prezidente Tatoli.IP. Kona-ba rezingasaun  ho razaun tanba nia (José da Costa)  iha hanoin ida atu hadia fali ninia karreira iha fatin seluk. Entaun nia husu rezignasaun, karta ne’e ha’u lee ona, iha karta laran ne’e ha’u la haree intensaun polítika ruma, maibé nia husu rezinasaun ne’e, tanba nia hanoin ba iha fatin seluk”, tenik Governante ne’e.

Karta rejignasaun husi Prezidente Konsellu Diretivu Tatoli,IP submete ba iha MAPKOMS iha Segunda (03/08) ne’e. Uar