PNTL Kontinua Buka Suspeitu Hakanek Estudante Ida iha UNPAZ

Fahe Tutan

Naunil Media (Díli), Tersa (04/08) ne’e, liu husi konferensia imprensa iha Quartel Jerál Polísia Nasionál Timor-Leste (PNTL), porta-voz Komandu PNTL, Superintendente Xefe Arnaldo Araújo, husu ba komunidade no estudante sira atu apoia servisu PNTL hodi kaptura lalais supeitu ne’ebe hakanek vítima Alfredo Miranda Alves iha resintu Universidade da Paz (UNPAZ).     

Kazu insidente refere akontese iha resintu UNPAZ, Segunda 03 fulan Agostu ne’e,  sona estudante UNPAZ ho naran Alfredo Miranda Alves nu’udar vítima hafoin hetan sona iha parte kotik laran beik kabás husi ema deskuiñesidu.     

“Ita hein katak iha tempu oin mai suspeitu ne’e, ita bele kaptura. Ami   husu mós ba komunidade no estudante sira ne’ebé mak eskola hamutuk ho vitima, se karik sira hatene ema (suspeitu)  balu bele informa mai iha parte PNTL Munisípiu Díli, hodi halo prosesu ba Ministériu Públiku”, hateten Porta-voz Komandu PNTL, Superintendente Xefe Arnaldo Araújo.  

Tuir porta-voz Komandu PNTL, Superintendente Xefe Arnaldo Araújo, insidente ne’e sai preokupasaun bo’ot ba servisu seguransa PNTL, no komandu sei kontinua servisu hamutuk ho autoridade, komunidade no strutura UNPAZ kria paz no buka tuir suspeitu.  

“Iha semana ida ne’e, akontese konfrontu iha universidade UNPAZ, sai hanesan preokupasaun bo’ot ba PNTL munisípiu Díli. Ami kontinua kopera parte autoridade,  komunidade  no universidade sira tenke  kria paz”, tenik Superintendente Xefe Arnaldo Araújo.

Ikus-liu nia relata, kazu insidente rua mak akontese iha semana ida nia-laran. Dili, Durante semana ida nia laran Komandu Polísia Nasional Timor-Leste (PNTL) rezista kazu Insidente hamutuk rua ne’ebe maka akontese iha kapital Dili. Kazu rua refere mak hanesan ema deskoñesidu hakanek estudante ida husi Universidade da Paz (UNPAZ) no kazu ida seluk akontese iha Universidade Díli (UNDIL). Flo

Leave a Reply

Your email address will not be published.