Autoridade Lokal Preokupa Lista Idozus Lakon, Deputadu António de Sá Benevides Sei Toka iha PN

Fahe Tutan

Naunil Media (Maubessi), Deputadu Bankada Partidu Unidade Dezemvolvimentu Nasional (PUDD), António de Sá Benevides, hateten kona-ba lista idozus mak durante ne’e ativu hela maibe lakon derepente, sai asuntu importante ida ba nia atu koalia iha uma Fukum Parlamentu Nasionál.

Deputadu Bankada PUDD, António de Sá Benevides, deklara kestaun ne’e relasiona ho preokupasaun hosi komunidade munisipiu Ainaru, kona-ba naran idozus hirak ne’ebe durante ne’e ativu maibe ikus mai naran la iha lista.

“hanesan deputadu reprezenta povu, ami mos rona depois lori ba diskute iha plenária, dedika ba deputadu sira, tanba ne’e povu ho xefe suku sira, kestiona maka’as liu mak dadus idozus nian”, hateten deputadu ne’e hafoin hala’o partisipa programa dialogu ‘Rona Povu Nia Lian’, organiza husi IRI, iha salaun parokia postu Administrativu Maubessi, Munispiu Ainaru, Sábadu (10/10).

Deputadu ne’e promete  ba idozu sira mak naran la iha lista, sira sei haree fila fali lista naran ne’ebe antes ne’e hetan diretu  pagamentu

Iha fatin hanesan Xefe suku Maulau, Domingos Mendonça, hateten kona-ba idozu sira durante ne’e ativu maibe foin lalais iha lista naran maioria la ativu.

“Povu Munisípiu Ainaro husu ba bankada deputadu parlamentu nasionál sira ho Governu, haree ba dokumentu sira, maibé haree naran lakon hotu”, esplika Domingos Mendonça

Nia parte husu ba membru Parlamentu Nasional atu buka solusaun ba problema ne’e.

Programa diálogu rona povu nia lian ne’e organiza tanba hetan apoiu  husi Institutu Republikana Internasional (IRI) no apoiu hosi Ajensia Estadus Unidus ba Dezenvolvimentu Internasionál (USAID-Sigla Inglesh) no hala’o ona durante tinan tolu.  

Objetivu hosi Programa ne’e mak loke oportunidade ba  deputadu sira halo dialogu direita ho povu sira. Ana

Leave a Reply

Your email address will not be published.