USAID Konklui Ona Impaktu Husi Alterasaun Klimatiku Iha TL
Naunil Media (Díli), Iha loron 13 fulan Fevereiru tinan 2023 , Ajensia Estadus Unidus Ba Dezenvolvimentu Internasionál (USAID), konklui ona ninia vizita durante semana ida nia laran iha Timor-Leste, hafoin enkontru ofisiál lubuk ida ho reprezentante sira husi setór privadu no sidadaun Timoroan sira hodi halo diskusaun konaba impaktu husi alterasaun klimátika iha Timor-Leste, Durante nia vizita.
Tuir USAID nia sefí ofisiál ba asuntu klimatika, Gillian Caldwell, hato’o hikas kompromisu governu EUA nian, atu responde ba krize global ne’ebé akontense, tanba mudansa klimatika no servisu hamutuk ho nasaun sira hanesan Timor-Leste atu hasoru ameasa bo’ot ne’e.
“Caldwell hahú nia vizita durante semana ida nia laran enkontru ho ofisial governu Timor-Leste nian, inklui Sua Exelénsia Ministra Negósius Estranjeiru no Kooperasaun ministra Adalgiza Magno no Enviadu Espesiál ba Klima Adão Soares Barbosa”, Dehan sefé ofisiál klimatika ba jornalista iha sira komunikadu imprensa iha Maubara Room Timor Plaza, Sesta (3/2)
Sefé ofisiál ba klimatika ne’e hateten, Sira koalia konaba papel rejional importante ne’ebé Governu Timor-Leste dezempeña hodi responde ba mudansa klimatika no USAID nia apoiu ba sira nia esforsu.
Nune’e mós USAID foin mak lansa estratéjia klimatika nian ne’ebé mak tarjetu sira ba tinan 2030, nia prosesu ne’ebe mak ambisiozu tebes hodi servisu hamutuk ho nasaun Timor-Leste.
Enkuantu estratéjia klimatika ne’e mós atu kria kona-ba atu hadia dizeminensia no mós adaptividade husi ema sira hamutuk nain 500 miloes atu bele adapta ba mudansa klimatika.
“Ami mós halo fenobiliza osan dolares $125 miloes ba 2030, i maneira atu halo ida ne’e, mak servisu hamutuk ho setór privadu para atu halo investe ba agrikultura ne’ebé mak tomak konta ba klimatiku hotu”, Nia hakotu. LTS
