Iha COVID-19 Nia Leét, Papa Francisco Husu Sarani Reza ‘Ami Aman’

Fahe Tutan

Naunil Media (Díli), Arsebispu Díli no Pro-Prezidente Komferénsia Episkopal Timorense, Dom Virgílio do Carmo da Silva, SBD hato’o mesajen hosi  Amu Papa Francisco, Kuarta (25/03) sarani sira iha mundu tomak inklui sarani Timor-Leste atu halo orasaun reza ‘Ami Aman’ ba pandemia corona virus (COVID-19).

“Husu ba sarani sira hotu aban ne’e ita nian Amu Papa konvida ita hotu katak iha tuku 8:00 kalan hamutuk ho Amu Papa no Sarani sira  iha mundu tomak reza ami aman ida hanesan sinál solidaridade ba mundu hotu. Amu Papa reza iha roma tuku 12 meudia no ita iha Timor ne’e kalan”, hateten Arcebispu Metropolitana Díli no Pro-Prezidente Komferénsia Episkopal Timorense Dom Virgílio do Carmo da Silva, SBD, liuhosi komunikadu imprensa iha  Komferénsia Episkopal Timorense, Balide, Tersa (24/03).

“Maske ema ida-idak iha aktividade, maibé to’o iha tuku 8:00 kalan hotu tenke para hodi hala’o orasaun ba pandemia corona virus ne’ebé mak oras ne’e atake ema hotu iha mundu”, husu Dom Virgílio do Carmo da Silva, SBD.   

Entretamtu konvite ne’e ofisiálmente mai hosi Papa Fransico nian hodi fo hatene ba sarani sira iha mundu tomak atu reza orasaun hamutuk hanesan solidaridade ida ba pandemia COVID-19 ne’ebé ohin loron domina ona mundu tomak, tanba ne’e husu sarani sira halo orasaum Ami Aman ida. Pau

Leave a Reply

Your email address will not be published.