Dom Virgílio: “Selebrasaun Misa Paskal Sarani TL Reza De’it Iha Idak-Idak Nia Uma, Prevene COVID-19”

Fahe Tutan

Naunil Media (Díli), Arsebispu Metropolitana Arkedioseze Díli no Pro-Prezidente Komferénsia Episkopal Timorense, Dom Virgílio do Carmo da Silva, SBD, hateten relasiona ho tempu selebrasaun paskoa, sarani katoliku Timor-Leste reza de’it iha idak-idak nia uma hodi prevene pandemia corona virus (COVID-19), tanba virus refere espalla ona no sai preokupasaun ba ema hotu nian iha mundu.

Arsebispu Metropolitana Arkedioseze Díli no Pro-Prezidente Komferénsia Episkopal Timorense, Dom Virgílio do Carmo da Silva, SBD, ba jornalista sira liuhosi komunikadu impresa iha CET Balide, Tersa (24/03).

“Deoseze tolu, desoze Díli, deoseze hosi  Baucau Bispu Baucau Sekretáriu Gerál no Komferénsia Episkopal Timorense (CET-Sigla Português), Dom Basílio do Nascimento no Deoseze Maliana Dom Norberto do Amaral deside ona katak selebrasaun festa paskoa ba tinan ida ne’e sarani katolika sira iha teritóriu Timor laran tomak, reza de’it iha idak-idak nia uma hodi prevene corona virus, tanba moras corona virus ida ne’ebé hada’et ona ba mundu kuaze nasaun hotu”, informa Dom Virgílio do Carmo da Silva, SBD.

Dom Virgílio do Carmo da Silva, SBD, realsa “Ita hotu hatene katak moras ne’e hada’et fásil liu bainhira ema barak halibur hamutuk iha fatin ida. Hahú loron 21 Marsu 2020 virus ne’e mós tama ona iha Timor-Leste. Ita hotu rona no hatene konsikuensia virus ida ne’e nian iha rai seluk, iha kontinente 5 ne’e nian laran. Iha komunikadu ida uluk, komferénsia episkopal Timorense hasai ona orientasaun balu relasiona ho ita nia selebrasaun sira misa nian”.

Bispu deoseze Díli, Dom Virgílio, dehan haree ba realidade ikus nian iha nasaun sira no haree mós ba realidade Timor-Leste, no rona hanoin sira Organizasaun Saúde Mundial (OSM), no bazeia ba desizaun Amu Papa nian, nune’e komferensia episkopal Timorense mos desidi katak iha Tinan ne’e laiha selebranian misa paskal, tanba bispu sira iha responsabilidade ba fiar nian, maibé mós iha responsabilidade ba vida ema hotu, liu-liu sarani katóliku  iha Timor-Leste.

Tuir Bispu deoseze, Díli Dom Virgílio, katak   ida ne’e sasukat la’ós fiar, fiar fraku ka fiar laiha, maibé sasukat ne’e mak povu Timor-Leste tomak nian saúde no moris nian.

“Husu ba amu lulik sira atu bele lee, kompri e divulga dekretu Papa sobre COVID-19. Tuir dekretu ida ne’e duni, amo bispo sira deside katak selebrasaun litúrgia sira hotu, mesmo iha tempu paskal, laiha partisipasaun povu. Sarani sira tuir selebrasaun iha sira nian uma, bainhira misa liu hosi radio ou televisaun, biar la simu kominaun espirituál. Bai-bain ita hatene katak misa sem komuniaun misa lakompleta, maibé haree ba situasaun sira ne’e sarani sira komuniaun espirituál. Atu evita perigu kontajiu, husu ba amu lulik sira tuir regorozamente orientasaun  no desizaun amu Papa no CET nian. Amu lulik sira la iha dispensa kona-ba sira nian obrigasaun sacerdotál, husu de’it halo ho purdensia, dahitu nia ba konventus, seminariu no komunidade rilijiozu/a bele hala’o ba deit membru komunidade nian no ikus liu orientasun sira ne’e vigora desde data públikasaun to’o mosu fali orientasaun seluk”, haktuir Dom Virgílio.

Dom Virgílio, dehan ho tempu susar hanesan ne’e, núdar sarani halo buat  ne’ebé ita bele halo buat ne’ebé bele, no ba buat ne’ebe ema labele halo husik ba Maromak no husu ida-idak atu hola reponsabilidade ba povu hotu-hotu nia di’ak. Vit

Leave a Reply

Your email address will not be published.