Xanana Gusmão : “PM Taur Demisionáriu, Laiha Kompetensia Haruka Proposta Alterasaun Lei OJF Ba PN”
Naunil Media (Díli), Prezidente Partidu Conselho Nacionál de Reconstrução de Timor (CNRT), Kay Rala Xanana Gusmão, hateten tuir lolos Primeiru Ministru (PM) Taur Matan Ruak labele aprezenta tan proposta alterasaun lei Orsamentu Jestaun Finanseira (OJF) ba parlamentu nasionál (PN), tanba konsidera xefe governu ne’e demisionáriu no laiha ona kompeténsia.
Kay Rala Xanana Gusmão, ba jornalista sira liuhosi komunikadu imprensa iha sede CNRT Bairro dos Grilhos, Tersa (24/03).
“Primeiru Ministru Taur Matan Ruak demisionáriu maibe haruka fali alterasaun Lei jestaun finanseira ba parlamentu nasionál, ne’e demisionáriu la iha kompetensia”, Prezidente Partidu CNRT, Kay Rala Xanana Gusmão.
Líder nasionál ne’e hatutan, Prezidenti Repúblika Fransisco Guteres ‘Lú Olo núdar eis prezidenti asembleia konstituante iha tinan 2002 maibe lakompriende konstituisaun.
“Ami fo atensaun ba Prezidente Republika, tanba Prezidente mak hakerek konstituisaun sidauk estuda tan direitu, agora estuda tiha direitu kulabe tan ona. Ami kompleta tiha ona rekezitus jurídiku sira haruka tiha ona ba nia (PR) semana rua ona, maibe sidauk dehan buat ida”, haktuir Nia
Líder Rejistensia ne’e esplika, “Artigu 86, imi ba husu Prezidente Republika sei lembra galae hakerek konstituisaun, kompetensia kona-ba orgaun sira seluk, prezidente Republika iha kompetensia ba orgaun sira seluk, alinea F dizolve Parlamentu Nasional iha instituisaun ne’ebe situasaun krizi instituisaun grave, ba nia (PR) sente la grave tanba nia simu hela osan”.
Xanana dehan, kuandu instituisaun grave la husik forma governu ka aprova orsamentu jeral estadu (OJE) periodu naruk liu loron 60 tenke dezolve parlamentu, maibe nia (PR lú Olo) rasik la kompri konstituisaun hodi tur nonok.
“Ami ba aprezenta aan, katak dispunivel ona forma governu, maibe nia (Prezidente Repúblika) dehan, katak ba kompleta aspetu jurídiku, ami halo konferensia no kongresu haruka fali ba, maibe semana rua ona dehan sei estuda, hasai ona estudu direitu mos sei estuda. Prezidente Repúblika ne’e prezidente asembleia konstituante sida’uk komprende fali buat ne’ebe hakerek no aprova iha 2002”, dehan eis komandanre em xefe Falintil no atua prezidente partidu CNRT, Xanan Gusmão. Uar
