Koligasaun Xanana Husu PR Lú Olo Fó Fatin Ba Sira Forma Governu Da-Sia (IX)
Naunil Media (Díli), Koligasaun Foun ne’ebe lidera hosi Prezidente Partidu Congresso Nacionál de Reconstrução de Timor (CNRT), Kay Rala Xanana Gusmão, husu mantein nia pozisaun husu ba Prezidente Repúblika (PR) Fransisco Guteres ‘Lú Olo’ atu loke ona dalan ba sira (koligasaun foun) hodi bele forma governu Da-Sia (IX).
Porta-voz Aliansa Maioria Parlamentar-AMP foun, Antónino Conceição ‘Kalohan’, hateten koligasaun AMP solidu hela no prezidente partidu neen ne’ebe halo ona koligasaun sira nafatin kompromete iha koligasaun laran.
“Koligasaun solidu hela no prezidenti partidu idak-idak nafatin sei kompremetidu iha koligasaun nia laran. Deputadu bankada ida-idak nian agora kordena malu ho harmonia iha debates hotu ne’ebe la’o iha parlamentu nasionál”, hateten Sekretáriu koligasaun foun atuál Sekrtáriu Jerál PD, Kalohan liuhosi konferensia imprensa iha Sede CNRT Bairro dos Grillos, Tersa (24/3).
Nia akresenta, koligasaun nafatin hein Prezidente Repúblika ‘Lú Olo’ nia desizaun no fiar katak sei foti desizaun tuir kostituisaun artigu 74 kona-ba definisaun funsaun Xefe Estadu Timor-Leste nian.
Tuir Sekretáriu Ba Koligasaun Foun ne’e, katak PR sei tau às situasaun impase politiku núdar prioridade hodi bele hola ona desizaun ida justu ho baze ba Konstituisaun da Republika no rezolve problemas ne’ebe afeita tebes ba populasaun no normalizasaun dezenvolvimentu país nian hodi responde ba nesesidade urgentes povu nian.
Koligasaun foun ne’ebe lídera hosi líder polítiku CNRT, Kay Rala Xanana Gusmão, kompostu hosi Partidu Kmanek Haburas Unidade Nasional Timor Oan (KHUNTO), Partidu Demokrátiku (PD), Partidu Unidade Dezenvolvimentu Demokrata (PUDD), União Demokrata Timorense (UDT) no Frenti Mudansa (FM). Uar
