FEATUREDIkus LiuNewsPolitika

CNRT Sei Lori PR Lú Olo Ba Tribunal

Fahe Tutan

Naunil Media (Díli), Xefe Bankada Parlamentár Congresso Nacionál de Reconstrução de Timor (CNRT), Duarte Nunes, hateten koligasaun iha ona rua maibe desizaun Prezidenti Repúblika (PR) Francisco Guterres ‘Lú Olo’ la tuir Konstituisaun Repúblika Demokrátika Timor-Leste (KRDTL) mak CNRT sei lori ba dalan justiça (Tribunal).

Xefe bankada CNRT, Duarte Nunes ba jornalista sira iha resintu Parlamentu Nasionál (PN), Tersa (24/03).

“Inplikasaun deserteza ke iha, tamba iha ona koligasaun ida iha kadeira parlamentu 34, prezidenti la deside atu simu koligasaun ne’e atu forma guvernu hein tan ida  iha 31 deit, maibe ne’e desizaun iha prezidenti nia liman, prezidenti bainhira hola desizaun ita haree se tuir lei, ami simu se la tuir lei ami sei lori ba Tribunal”, hateten Xefe Bankada CNRT, Duarte Nunes.  

Nia hatutan, iha ona esperiensia governu menoria ukun iha tinan 2017 maibe monu iha dalan klaran, tamba ne’e prezidenti antes foti desizaun tenke tetu didi’ak.

“Ita iha ona esperiensia, uluk 2017 fó ba governu ida ke la iha maioria monu iha dalan, se ida ne’e mak prezidenti hakarak signifika ita ba eleisaun antisipada, tamba ita ko’alia ida, ita nia hahalok hatudu buat seluk”, afirma deputadu ne’e.  

Tuir nia iha situasaun agora ema hotu lakoi ba eleisaun antisipada maibe prezidente deside fo koligasaun minoria ida ne’e indiretamente katak prezidenti hakarak ba eleisaun antisipada.

Antes ne’e koligasaun foun lidera husi prezidenti Partidu CNRT, Kay Rala Xanana Gumão, asina ona akta koligasaun foun hamutuk ho partidu Kmanek Haburas Unidade Nasionál Timor Oan (KHUNTO), Partidu Demokratiku (PD), Partidu Unidade Dezenvolvimentu Demokrátiku (PUDD), União Demokrata Timorense (UDT) no Frenti Mudansa (FM), iha loron 22 fulan fevereiru 2020, no iha loron 06 fulan Marsu ne’e aprezenta ona ba Xefe Estadu Timor-Leste Lú Olo, maibe fó espasu ba koligasaun foun atu priense rekezitus no aprezenta daruak iha loron 10 fulan Marsu 2020 maibe to’o agora seidauk iha resposta.

Enkuantu iha Sabadu (21/03) ne’e, Fretilin ho PLP hala’o deklarasaun konjunta hodi kompromete loke dalan ba formasaun governu konstitusional da-sia, atu lori Timor-Leste bele sai hosi impase politiku. Uar

Leave a Reply

Your email address will not be published. Required fields are marked *