Koligasaun Xanana Sei La Fó Fatin Ba Kualker Tentativa Forma Governu Da-Sia (IX)

Fahe Tutan

Naunil Media(Díli), Koligasaun Foun ne’ebé lidera hosi prezidente Partidu Conselho Nacionál de Reconstrução de Timor (CNRT), Kay Rala Xanana Gusmão, sei la fó fatin ba kualker tentativa atu forma governu konstitusionál Da-Sia (IX).    

Deklarasaun ne’e hato’o hosi Sekretáriu Koligasaun Foun no atua Sekretáriu Jerál Partidu demokrátiku (PD), António da Conceição ‘Kalohan’, relasiona deklarasaun Sekretáriu Jerál Partidu FRETILIN, Marí Alkatiri nian iha ambitu plataforma entendimentu entre Partidu FRETILIN ho PLP mak hala’o iha Hotel Timor, Sábadu (21/03). Iha ne’ebé ho objetivu hodi loke dalan ba formasaun governu da-sia, atu lori Timor-Leste sai hosi impase polítiku.

“Koligasaun afirma katak deklarasaun Sejkretáriu Jerál partidu Fretilin nian ne’ebé hateten, plataforma de entendimentu ne’ebeé mak halo entre Fretilin no PLP iha loron 21 fulan marsu ne’e, sei hetan mos apoiu hosi deputadu balun iha Parlamentu Nasional. Tentativa ida hodi forma governu minoria, tamba ne’e mak koligasaun liuhosi bankada parlamentár iha parlamentu nasionál sei la fo fatin kulaker tentativa atu forma governu minoria ida”, hateten Porta-voz AMP, António da Conceição ‘Kalohan’ ba jornalista sira liuhosi konferensia imprensa mak hala’o iha Sede CNRT Bairro dos Grillos, Tersa (24/3).

Tuir Sekretáriu Koligasaun Foun ne’e, katak aktus refere hanesan tentativa ida atu hafahe koligasaun AMP nian no hamate deputadu iha koligasaun laran nia kareira polítika iha nia partidu rasik.

“Koligasaun mos kondena deklarasaun ne’ebé sekretáriu jerál partidu Fretilin ne’ebé dehan sei konvense deputadu hosi koligasaun AMP nian atu fó apoiu ba iha tentativa partidu Fretilin no PLP hodi forma Governu minoria ne’e hanesan tentativa atu hafahe koligasaun no mos hamate deputadu koligasaun nia kareira polítika iha nia partidu rasik” Afirma Nia.  

Nia dehan, koligasaun foun sei hamutuk foti asaun ba deputadu ne’ebé viola prinsípiu koligasaun tuir Lei eleitorál ba parlamentu nasionál artigu 16, nune’e deputadu/a ne’ebe refere sei lakon nia estatutu bainhira viola disiplina bankada parlamentár ne’ebe pertense.Uar

Leave a Reply

Your email address will not be published.