MAPKOMS Cup 2020 : Naunil Lidera Grupu ‘C’ Hafoin Manan TT 5-2

Fahe Tutan

Naunil Media (Díli), Ekipa Naunil Media susesu lidera grupu ‘C’ hafoin halakon ekipa adversáriu Timor Telecom (TT) ho score 5-2, MAPKOMS Cup 2020 mak hala’o iha Kampu Futsal Bebora, Domingo (15/11).  

Ekipa rua hotu hotu hatudu jogu furak no kompetetivu tebes desde jogu hahu parte dahuluk maibé la iha golu ruma akontese no tama ba iha minutu 7 ekipa Timor Telecom deside foti time out.

Deskansa iha minutu balu kontinua fila fali ekipa Naunil Media halo mudansa ba tatika liu husi subtituisaun jogador.

Mudansa tatika refere konsege marka golu ida parte dahuluk liu husi jogador Paulino.

Jogador ho númeru kamozola 4 ne’e marka golu hafoin simu asistensia bola kruza husi nia kompaineru Filipe, lori Naunil lidera ho score 1-0. Ho score refere mantein to’o termina jogu parte dahuluk.

Tama ba jogu parte daruak ekipa Naunil marka tan golu ida hodi haboot score ba 2-0, liu husi jogador Vitorino.

Ekipa Timor Telecom hafoin responde golu ida iha minutu 18 liu husi jogador Nazario no muda hikas score ba 2-1.

Tama ba iha minutu 21 ekipa naunil Marka tan golu ida hodi muda aumenta score ba 3-1 liu husi jogador Paulino.

Timor Telecom hamihis score ba 3-2 iha minutu 24 hafoin jogador Nazariu Marka tan golu liu husi kontra atake.

Antes atu termina jogu jogador Filipe husi Naunil Média Marka tan golu rua hodi lori nia ekipa Naunil lidera ho score 5-2 to’o termina jogu parte daruak vitória ba Naunil Media.

Husi rezultadu vitória ne’e lori ekipa Naunil Media lidera pool ‘C’ ho Pontu 9 husi jogu dala tolu manán hotu.

Ekipa Timor Telecom okupa iha segundu pozisaun ho pontu 6 husi jogu dala tolu manán dalarua no lakon dala ida kontra Naunil Media. Ekipa kobertura

Leave a Reply

Your email address will not be published. Required fields are marked *