Covid-19: Rejista tan Kazu Pozitivu Foun na’in-28 no Rekupera na’in 29
Naunil Media (Díli), Portavoz Kordenadór Forsa-Tarefa ba Prevensaun no Mitigasaun Surtu Covid-19 Dr Rui Maria de Araújo informa, Kazu covid-19 komfirmadu rejistan foun hamutuk na’in-28, rekupera na’in 29 no baixa ativu na’in 544.
Tuir Dr. Rui, Dadus jerál ba Timor-Leste tomak kazu detetatu foun iha loron 12 Abríl 2021 rejista foun na’in 28, Kazu rekuperadu iha loron 12 Abrí 2021 na’in 29 no totál kazu ativu ohin dloron 12 Abríl 2021 hamutuk na’in-544. Husi totál kazu detetadu foun ohin mane 12 no feto 16. Husi totál kazu detetadu foun ohin 6 sintomátiku no 22 asintomáticos.
Husi horiseik mai ohin, hamutuk hotu Laboratóriu Nasionál Saúde halo 339 testes PCR, ho detalles hanesan Vijilánsia sentinela 38, Rastreiu ba kontaktu (Contact tracing) 94, Rastreiu Aleatoriu (Random Screening) 20, Viajen sai husi serka sanitária Munisipiu Dili 240, Viajen internasionál 1 no Follow up iha quarentena 5.
“Total pedidu autorizasaun esepsionál atu sai husi serka sanitaria iha Munisipiu Dili, iha dia 10 de Abril, hamutuk hotu 278. Sekretariadu CIGC responde hotu kedas, maibé 3 pedidus la prienxe kritériu tuir Resolusaun Governu”, dehan Portavoz Kordenadór Forsa-Tarefa ba Prevensaun no Mitigasaun Surtu Covid-19 Dr Rui Maria de Araújo hato’o asuntu ne’e Naunil Media asesu liuhusi nota komunikadu imprensa, husi SIJK, segunda (12/04).
“Ohin, iha Munisipiu Dili iha óbitu 1. Historia klinika pasiente nian maka hanesan Mane, idade 44, pozitivu SARS-CoV-2 iha dia 11 e Abril 2021 (foti amostra iha 11 Abril de 2021, iha Emerjénsia HNGV). Matebian hela iha Comoro, Dili. Ambulánsia foti nia husi uma, to’o iha emerjensia iha 18H11, hatudu kondisaun sonolentu, ran sai husi inus, no dada I’is susar”. Nia informa.
Nia hato’o Husi ezame fiziku ba sinais vitais hetan tensaun arterial 140/80 mmHg, pulsasaun 115X/minutu, frekuénsia respirasaun 32X/minutu, saturasaun Oksijéniu 77%. Ekipa emerjénsia nian halo primeirus sokorrus, hafoin halo ezame diagnostiku adisionál ho eletrokradiograma & raiu X hirus matan, no to’o iha diagnoze traballu Suspeitu AVC (acidente vasculo cerebral) hemorrajiku. Tamba mós pozitivu SARS-COV-2, kazu ne’e konsideradu COVID-19 kategoria grave, no ekipa konjunta saúde deside enkamiña ba izolamentu Vera Cruz.
Hafoin deteta pozitivu SARS-CoV-2, foti mós amostra husi membru familia nain 3 ne’ebé akompaña. Husi nai 3 ne’e nain 2 pozitivu. Metebian ninia CT (cycle threshod) iha iha rezultadu PCR dia 11 de Abril: N2 gene 25.1; E gene 24.7.Ekipa evakua ba kedas ba izolamentu Vera Cruz. Pasiente i’is kotu iha 21H21.
Nia dehan, Ninia rezultadu test PCR post-mortem (amostra hasai iha maizoumenus 12H00, dia 12 de Abril de 2021): Pozitivu ho CT (Cycle Threshold) N2 Gene 18.6; E Gene 17.0. Oras 13 hafoin i’is kotu, rezultadu PCR hatudu replikasaun virus aumenta tan iha isin-mate. Faktu ida ne’e konsistente ho koñesimentu sientifiku ne’ebé sai baze atu OMS rekomenda funeral espesial ba kazu óbitu ho virus SARS-CoV-2 iha sira nia isin, hodi prevene labele hadaet tutan ba ema seluk.
Enkuantu evolui SURTU COVID-19 iha munisipiu Bobonaru Ohin iha deteta tan kazu foun 1. Kazu ida ne’e halo viajen husi Dili. Iha Munisipiu Manatuto deteta tan kazu pozitivu 2. Kazu pozitivu hirak ne’e halo viajen husi Dili. Iha Munisipiu Kovalima deteta tan kazu pozitivu 11. Kazu hirak ne’e, halo viajen husi Dili. Vit
