FEATUREDIkus LiuNewsSaude

Mary Markcillop Today ho Parseirus Sei Selebra Loron Mundial Fase Liman ho Sabaun

Fahe Tutan

Naunil Media (Manufahi), Tersa (06/10), iha Salaun Sentru Saúde Munisípiu Manufahi, Mary Markcillop Today realiza reuniaun ida ho parseiru sira hodi koalia kona-ba preparasaun atu selebra loron mundial fase liman ho sabaun mak sei monu iha 15 fulan Outobru 2020.   

Diretora Mary Markcillop Today, Marina Ximenes Belo, informa nu’udár parsèria mak durante ne’e apoiu programa saúde eskolar iha Manufahi, bolu parseiru sira atu elabora ideia sira kontrutivu ba preparasaun selebrasaun loron mundial fase liman ho sabaun.   

“Selebrasaun loron mundial fase liman ho saun ne’e importante, tanba bele garantia  diak liu-tan liman mos ba iha komunidade sira atu hadók aan hosi moras”, tenik Diretora Mary Markcillop Today, Marina Ximenes Belo.

Reprezentante Saúde Munisipiu Manufahi, Orlando Martins, agradese ba reuniaun ne’ebe refere tanba bele truka ideia sira hodi tulun komunidade sira, liu-liu salva vida labarik ki’ik oan sira nian.

“Ita hotu hatene iha mundu labarik maioria sai vítima no balun lakon vida, tanba inan-aman sira ladún iha kontrolu ba oan sira ne’ebe mak ho idade minoria”, realsa reprezentante saúde munisípiu ne’e.  

Diskusaun refere partisipa husi parseiru sira mak hanesan, auotoridade saúde munisípiu Manufahi (SMM), Servisu Agua Saneamentu (SAS) Munisipiu Manufahi, inklui parte Edukasaun Munisípiu Manufahi, partisipa husi autoridade postu rua hanesan Faturberliu no Bebesuso. Nfm

Leave a Reply

Your email address will not be published. Required fields are marked *