PD Fó Apoiu Umanitária ba Vítima Dezastre Naturál Uma Kain 1.181
Naunil Media (Díli), Koordenadór Ekipa emerjénsia solidaridade Demokratiku Nino Perreira informa, Partidu Demokratiku (PD) inisiativa fó apoiu umanitária ba vítima deazstre natutál uma kain 1.181 hodi hakman populasaun sira nian terus.
Tuir kordenadór Nino Perreira relasiona ho inundasaun ne’ebé akontese Partidu Demokratiku (PD) apoiu ona sasan ba Família afetadu Inundasaun ba suku 2.
“Sasán ne’ebe ami apoiu komunidade afetadu hanesan, foos hamutuk 431 sacks, susu ben, ropa no sasan labarik nian fahe ba suku 12 total uma kain 1181 haree liu ba munisípiu Díli no Likisá”, dehan Nino ba jornalista sira, iha sede PD, Kolmera, segunda (12/04).
Nia hatuan, akontesimentu imundasaun ne’ebé fó impaktu maka’as ba komunidade sira nian moris tanba sidadaun balun lakon nia vida, barak mak lakon uma, sasan ne ebé hetan estragu iha fatin-fatin, liu-liu iha kapital Díli.
“Husi akontesimentu ne’e, bolu atensaun Timor-oan hotu-hotu nian ita atu fó liman ba malu, tulun-malu hodi halo kama’an Timor-oan sira ne’ebé afetadu hosi inundasaun.PD la tur nonok hodi hatudu nia sentidu solidaridade ba inan-aman, maun-alin, bin-feton sira ne ‘ebé afetadu hosi kalamidade ne’e”. tenik Nino. Leo