Anacleto: Hakarak Loke Edukasaun Militár iha TL

Fahe Tutan

Naunil Media (Díli), Kandidatu prezidente partidu demokrátiku Repúblika Timor (PDRT) Anacleto Bento Ferreira katak, nu’udar prezidente sei loke eskola ida propriamente ba edukasaun militár iha Timor-Leste.

“Ida ne’e ita sei halo liu área barak liu husi mekanismu oi-oin, ne’e mak ita sei hanoin hahú ona loke eskola ida propriamente ba edukasaun militár nian”, dehan kandidatu prezidente PDRT Anacleto Bento Ferreira iha nia diskursu hafoin halo dortudor iha suku Camea, postu administrativu Cristo Rei, munisípiu Díli, Domingo (06/3).

Nia hatytan, Enkuantu ne’e la’ós atu halo negasaun ida ba profesionalismu ne’ebé mak ita nia forsas defeza seguransa sira hala’o ona, maibé ita hakarak leva tan sira nia dezempenu ne’e atu bele fo duni sira nia funsaun ne’e tuir saida mak Konstituisaun haruka.

Bento haktuir, Iha nasaun barak hanesan ezemplu iha Europa ne’eba eskola ida bolu naran kolegiu militár, ne’e hahú kedas husi labarik eskola ensinu primaria to’o sekundária, no depois remata hakarak kontinua ba iha kareira vida militár ou polísia nia bele kontinua kursu ne’e ba oin.

“Ha’u hanoin ho ida ne’e ita bele hetan ona, la’ós buat ne’ebé mak badak, maibé iha médiu prazu no longu prazu ita bele hetan ona ema ne’ebé mak iha nia vida militár, ne’ebé vida militár la’ós tanba empregu”, Esplika nia.  LTS

Leave a Reply

Your email address will not be published.