SEKOMS AKARA: PM Taur Husu Media Promove Imajen Governu
Naunil Media (Díli), Sekretáriu Estadu ba Komunikasaun Sosiál (SEKOMS), Merício Juvinal dos Reis “AKARA” hateten, hateten, Orientasaun husi Primeiru Ministru (PM) Taur Matan Ruak, media atu atensaun ba imajen Governu nian ne’ebé durante ne’e hetan ataka maka’as husi entidades balu.
“Primeiru Ministru fó hanoin hodi konsolida servisu iha área komunikasaun sosiál, atu hadia no kompleta servisu tinan kotuk ne’ebé la konsege halo ho di’ak, no antes atu remata tinan ida ne’e tenke hadia no hatudu ba públiku atijimentu perioride VIII Governu nian”, dehan Sekretáriu Estadu ba Komunikasaun Sosiál (SEKOMS), Merício Juvinal dos Reis “AKARA” ba jornalista sira hafoin sorumutuk ho Primeiru Ministru (PM) Taur Matan Ruak iha Palásiu Governu, tersa (29/03).
Governante ne’e hatutan, hanesan Sekretáriu Estadu ba Komunikasaun Sosiál, kolabora nafatin ho meius komunikasaun sosiál sira, liuliu meius komunikasaun estadu nian, atu ajuda Governu hodi hatutan rezultadu servisu ne’ebé mak Governu iha, no Planu Governu tinan ida ne’e no oin mai, atu halo tan para públiku bele akompaña nune’e povu bele hetan informasaun loos no kredivel.
“Informa ba Primeiru Ministru katak, ekipa prontu koordena ho media estadu, hodi divulga informasaun lolos no kredivel no hasa’e ritmu informasaun kona-bá Governu nian”, katak nia.
Hanesan membru Governu ida ne’ebé responsavel iha área komunikasaun, sei servisu makas iha kampaña eleisaun prezidensiál hodi kombate HOAX no propaganda polítika hodi neutraliza informasaun sira ne’ebé mak ladun di’ak hasoru Governu, dehan nia.
Enkontru ne’e Primeiru Ministru orienta nafatin SEKOMS atu halo servisu ho profisionál liu tan, hadi’ak liu tan servisu hodi atinji rezultadu iha tinan ida ne’e, no oin mai no mantein halo kolaborasaun di’ak ho media no meius komunikasaun sira, nia hakotu. Lop#
