Komunidade Aldeia Palistla Moris Iha Nakukun no Laiha Beé Moos
Naunil Media (Díli), Aldeia Palistla, Suku Gugleur, Postu Administrativu Maubara, Munisípiu Liuquiçá, durante tinan 17 liu komunidade sira moris iha Nakukun laran, tanba seidauk asesu eletresidade.
Preokupasaun ne’e hato’o hosi Xefe Aldeia Palistla, Faustino dos Santos, ba Naunil Media iha Sede Aldeia Palistla, foin lalais.
“Iha aldeia ida ne’e (Palistla) durante tinan barak ona ami la asesu ba eletresidade no bee moos. Ami husu ba governu atu tulun ami, nune’e bele muda ona ami nia moris, tanba tinan barak ona ami moris iha nakukun laran. Bainhira los mak ami-nia populasaun iha aldeia ida ne’e bele hetan eletresidade no bee mos”, hateten Xefe Aldeia, Faustino.
“Komunidade uza painel solár hodi asesu ba naroman, maibé iha tempu kalan udan tun sei mate. Bainhira tempu udan komunidade tenke homan kami hodi sunu iha tempu kalan”, dehan Nia.
Aleide preokupasaun eletresidade no bee moos, autoridade aldeia ne’e dehan, sira mos ho kondisaun Estrada ne’ebe aat, no susar ba komunidade sira atu lori produtu ba faan iha merkadu.
Abitante Atanacio de Carvalho, mos husu ba governu atu tau atensau hodi hadiak Estrada ne’ebe defikulta tebes bainhira sosa materiál uma.
“Problema eletresidade, bee moos no Estrada, ami mos hakarak husu ba Ministériu Edukasaun Juventude no Desportu (MEJD) atu loke eskola primária ida iha aldeia Palistla, tanba labarik sira durante ne’e la’o ain ho distansia ne’ebé dook. Labarik sira tenke ba eskola iha EBC Eskola Bazíka Caicasa”, dehan abitante ne’e.
Iha aldeia Palistla totál populasaun hamutuk 358 kompostu hosi mane hamutuk 178 no feto 180 totál uma kain hamutuk 78. Lop
