TROBAS : Kombate Lixu Iha Díli Presija Kontribuisaun Timoroan Hotu
Naunil Media (Díli), Sábadu (30/07) ne’e, ekipa organizasaun Tropas Ba Ambiente Saudável (TROBAS) hola inisiativa hodi hala’o limpeza (raut lixu) iha area Tasi Jardim Largo Lecidere to’o Jardim Motael, objetivu atu hamenus, kombate lixu, fanun konsiensia ema hotu (Timoroan) garante sidade Díli moos no saudável.
Koordenador Jerál TROBAS, Eligio Soares, esplika objetivu limpeza rekolia lixu plastiku ne’ebé naklekar iha Jardin laran.
“TROBAS deside orariu limpeza dala ida iha semana ida”Koordenador Jerál TROBAS, Eligio Soares, ba jornalista sira iha Jardim 12 de Novembru Motael.
Nia informa, programa refere TROBAS hetan apoiu husi parseria Ajensia Internasionál Mercy Corps no Uniaun Europeia iha Timor-Leste.
“Jardim no fatin públiku sira sai tarjeitu ba aktividade TROBAS, maske Guvernu prepara ona Lixeiru maibe ema ida-idak laiha konsiensia, eperitu nasionalismu, nafatin soe liu arbiru”, argumenta nia. Gyor
