PR Horta: Kampaña Nasionál Hodi Reduz Mal Nutrisaun Iha TL
Naunil Media (Ermera), Prezidente Repúblika (PR) José Ramos Horta hateten kampaña kontra sub-nutrisaun ne’e importante oinsá bele iha polítika moral, konsensu nasionál nune’e tinan lima (5) mai bele reduz sub-nutrisaun iha Timor-Leste (TL).
“Ida fali importante tebes ohin ita iha ne’e mak kampaña kontra sub-nutrisaun ne’e kampaña moral kampaña Polítiku kampaña ekonomiku etiku buat hotu-hotu, ne’e iha konsensu nasionál iha tinan lima 5 nia laran ita bele hatun taka tiha problema sub-nutrisaun husi kosok oan too sira ne’ebé tinan lima 5, tinan hitu (7)”, dehan Xefe Estadu liu husi diskursu bainhira lansa kampaña nasionál nutrisaun no seguransa alimentar iha Railaku, Sabadu (09/07).
PR hatutan, Programa ne’e lá’os komplikadu la’ós todan sistema Nasoens unidas hanesan UNICEF, WFP, Banku Mundiál, guvernu rasik hotu-hotu identifika ona abut ba sub-nutrisaun no Primeiru Ministru mós ko’alia ona kona-bá ida ne’e.
“Purtantu iha konsensu nasionál, konsensu polítiku, ita iha konsensia ne’e kestaun ida ne’e ita haree labarik oan sira kada loron han de’it buat ne’ebé laiha nutrisaun sira atu estuda oinsá, futuru oinsá purtantu ne’e mak Prezidensiá nia vizaun,” tenik PR
Horta hateten maibé vizaun ke partilla fahe husi governu tomak no lideransa polítika tomak husi Parseiru Internationál sira, iha ne’e purtantu la’ós buat ida foun ka laiha posibilidade, tanba laiha konsensu lae ne’e tenke hahú tenke halo duni lakohi haree tan númeru ne’e, tinan lima (5) mai lakohi haree estatistika hateten 40 % sub-nutrisaun tan no tenke tun ba 20 % ka ou zero.
Nune’e Timor-Leste tenke investe liu tan iha agrikultura ba garante seguransa alimentar, bele tau matan ba Timor nia produtu hanesan fos, batar, koto buat hotu-hotu ne’ebé rai ne’e bele produz, tenke muda abitu hahán. *Jos
