Rui Apela Atividade Atendementu Iha HNGV, La’o Normál
Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo, apela ba komunidade sira atividade serbisu ba atendementu iha Hospital Nasionál Guidu Valadader (HNGV) sei la’o normál, maske pessoal profesionál saúde na’in-ida pozitivu covid-19.
Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo ba jornalista sira, iha Sala Situasaun Sentru-Integradu Jestaun Krize (SS-CIGC-sigla Portugués), iha Centro Covenções Dili (CCD), kinta (13/03).
“Hospital Nasionál Guido Valadares (HNGV) halo serbisu hanesan bainbain. Tanba ne’e ami aproveita tempu ida ne’e apela ba populasaun katak atividade atendementu HNGV funsiona hela”, dehan Dr. Rui.
Nia hatutan, sei foti na’in-20 tenke hasai amostra sampel tanba hatudu sintomas infensaun respiratoriu Aguda.
“Hanesan Ita hotu hantene pessoal saúde sira tenke halo restreu aliatóriu antes atu tama ba fasilidade saúde. Sé sinais isin manas mehar inus metin tenke foti hotu amostra ne’e bolu visilansia sintenela”. Eis Primeiru Ministru Dr. Rui.
Entretantu totál pasiénte ne’ebé baixa iha HNGV hosi horseik mai ohin loron 223, banku urisensia hamutuk 100, fase ran 36, koperasaun urisensia 9, inan ne’ebé partus na’in 16. Liu hosi restreu ka visilansia aliatoriu 395 molok tama ba Hospital laran, hosi 395 ne’e 111 ba konsulta 284 vizitante, hosi sira ne’e 20 mak tenke hasai amostra sampel tanba hatudu simtomas respiratoriu Aguda. Ivo