Aldeia 22 iha Munisípiu Lautém Seidauk Asesu Eletrisidade
Naunil Media (Lautém), Xefe departamentu eletresidade Timor-Leste (EDTL) munisípiu Lautém, Siquito dos Santos, informa aldeia 22 iha Munisípiu Lautém to’o agora seidauk asesu ba enerjia eletrisidade.
“Munisípiu Lautém suku 34 no aldeia hamutuk 151, maibe iha aldeia 22 mak ahi eletrisidade”, relata Xefe departamentu EDTL munisípiu Lautém, Siquito dos Santos, ba Naunil Media, iha nia kn’ar fatin Lospalos, Kuarta (30/06).
Xefe departamentu, Siquito dos Santos, hateten nia ho ekipa sei esforsa atu komunidade sira iha bele asesu ba enerjia eletrisidade.
“Ami EDTL munisipiu buka nafatin meius hodi planeia ba aledia sira ne’ebé mak seidauk asesu ahi eletresidade”, tenik Siquito.
Xefe departamentu EDTL Lautém, Siquito dos Santos, informa mos dadaun ne’e konsumidór sira iha suku sia (9) mak monta kontadór Prepagu.
“Iha suku 25 mak seidauk monta prepagu, atu implementa maibé ami hein bazeia ba planu husi nasionál”, akresenta Nia.
Ikus-liu, Siquito dos Santos, dehan EDTL munisípiu Lautém iha ona planu atu monta lluminasaun lampu iha estrada públiku.
Muniípiu Lautém kompostu husi postu adiministrativu lima mak hanesan, Iliomar, Lospalos, Lautem, Luro no Tutuala ho total suku hamutuk 34 no aldeia 151. Latu
