FEATUREDIkus LiuNewsSeguransa

Jenerál Lere : Labele Tane Liman Bebeik, Governu Tenke Kria Kondisaun ba F-FDTL

Fahe Tutan

Naunil Media (Díli), Xefe Estadu Maior Jenerál F-FDTL, Maijór Jenerál Lere Anan Timur, hateten Timor-Leste labele hein deit mak doasaun no tane liman bebeik ba nasaun vizinñu sira, tanba ne’e Governu labele koalia mak polítika maibe tenke kria kondisaun di’ak ba FALINTIL Forsa Defeza Timor-Leste (F-FDTL).

Xefe Estadu Maior Jenerál F-FDTL, Maijór Jenerál Lere Anan Timur, hateten asuntu ne’e ba jornalista sira hafoin simu apoiu Rádiu VHF100 husi Embaixadór Austraqlia mai Timor-Leste, Peter Robert, iha Quratel Jenerál Fatuhada, Tersa (30/06).

“Loron-kalan, ita labele hein deit doasaun no labele tane liman, maibé  husu ba Governu mos tenki esforsu no tenki kria kondisaun hotu-hotu, la’òs lor-loron koalia mak polítika deit”,

Eis-Komandante Rejiaun Um Ponta Leste, no Xefe Estadu Maior Jenerál F-FDTL, Maijór Jenerál Lere Anan Timur, dehan “Timor nu’udar nasaun soberanu tanba ne’e governu tenki toma konsensia atu labele dependensia demais”.

Seremónia entrega selebra iha Quratel Jenerál Fatuhada Tersa 30 fulan Junñu tinan ne’e, Governu Australia liuhusi programa koperasaun defeza apoiu Rádiu VHF 100 ba F-FDTL atu hasa’e kapasidade komunikasaun.

Fornesementu Rádio ne’e hamutuk ho pakote ba manutensaun ne’ebe kompriensivu nomos ho formasaun. Rádio dijital ne’e nia sistema kobre Timor-laran tomak no fornese komunikasaun ida ne’ebe mak seguru no konfiavél ba F-FDTL sira iha Timor-laran tomak. Pau

Leave a Reply

Your email address will not be published. Required fields are marked *