APMT Sei Konstrusaun Estrada Husi Aldeia To’o Postu Iha Ermera
Naunil Média (Ermera), Vise Prezidente Partidu Asosiasaun populár Monarkia Timorense (APMT), Matias Boromeu, ho númeru sorteiu 17 kompromete ba militantes Munisípiu Ermera katak, bainhira povu fo fiar iha eleisaun mai partidu APMT sei tau prioridade iha Munisípiu Ermera mak konstrusaun estrada hahu husi aldeia to’o postu
“Ita haree Hatulia A no Hatulia B letefoho udan hanesan ne’e ita labele asesu ba Estrada, no afeita mos ba povu sira nia produtu kafe, fehuk-roupa ho repollu no sira seluk tan.Tanba nee, lori produtu ba Merkadu susar tebes bainhira iha tempo udan.” Dehan Vise-Presidende iha nia diskursu iha Railako, sexta (21/04).
Enkuantu APMT hetan fiar husi povu maka iha munsisipiu Ermera ne’e tau prioridade liu mak ba infrastutura, konstrusaun Estrada, kafe ho turismu Cristo Liurai letefoho.
Tanba Turizmu Religioju Kristu Liurai Letefoho ne’e fatin ne’ebé kmanek teb-tebes atu ema hotu ba hato’o susar ho terus ba halo sakrafisiu no halo promesa iha fatin turizmu Religioju ne’e.
Nune’e tuir orariu ba kampana partidu APMT nian iha loron 22 fulan Abríl sei kontinua iha Munisípiu Ainaru postu administrativu Maubisse. Ana
