FEATUREDIkus LiuNewsPolitika

SECoop ho Embaixadór Brazil Deskute Dezenvolvementu Kooperativa iha TL

Fahe Tutan

Naunil  Media (Díli), Kuarta (7/10) ne’e, Governu konstitusionál da-ualu liu husi Sekretáriu Estadu Kooperativa (SECoop-Sigla Português),  Elizário Ferreira hala’o sorumutuk ho embaixadór Brazil iha Timor-Leste, Aldemo Garcia, hodi koalia kona-ba kooperasaun servisu no dezenvolvementu kooperativa iha Timor-Leste (TL).

Hafoin sorumutuk, Sekretáriu Estadu Kooperativa (SECoop-Sigla Português),  Elizário Ferreira, informa reuniaun refere ninian objetivu mak koalia kona-ba oinsa servisu hamutuk ba dezenvolvementu grupu kooperativa iha Timor-Leste.    

“Objectivo prinsipal husi enkontru ne’e mak koalia kona-ba relasaun entre SECoop ho embaxada Brazil iha Timor-Leste atu servisu hamutuk hodi dezenvolve di’ak liu-tan grupu kooperativa sira iha rai-laran”, esplika membru Governu konstitusionál da-ualu, Elizário Ferreira, ba jornalista sira iha Edifísiu SECoop, Akait.

Governante ne’e esplika liu-tan, enkontru refere atu identifika mos area balun mak SECoop sei dezemvolve hodi fó benifisiu ba povu.

“Ami koalia, identifika área haat importante, primeiru mak edukasaun no informasaun ba programa prioridade ida atu eduka ita nian direjentes koopetativa sira, iha área kreditu ka área produsaun atu hatene jere koopetativa ne’ebe sira lidera no mos koalia kona-ba oinsa atu kria sentru ba formasaun no atu dezenvolve turizmu peskas no agrícola”, tenik Elizário.

Nia dehan, tempu besik SECoop sei aprezenta programa ba embaixada Brazil hodi  aprezenta ba ajénsia ka parseiru sira dezenvolvimentu kooperativa nian.

Iha fatin hanesan Embaixadór Brazil mai Timor-Leste, Aldemo Garcia, hato’o prontidaun no sei kontinua apoia Timor-Leste iha area kooperativa.

“Governu Brazil liu husi embaxada iha Timor-Leste sei halo kooperasaun di’ak hodi kontinua apoia Timor-Leste hodi dezenvolve liu-tan kooperativa”. Dehan Diplomata ne’e. Ivo/Leo/Emj15

Leave a Reply

Your email address will not be published. Required fields are marked *