Citilink ho Sriwijaya Hapara Operasaun Rute Díli-Denpasar no Darwin-Díli

Fahe Tutan
Naunil Media (Díli), Ofisiál Operasoens Voo Citilink no Sriwijaya, Fernando de Araújo, hateten kompañia deside hapara provizóriu operasoens rute Díli ba Dempasar Indonézia no Darwin mai Australia, atu prevene pandemia moras Corona Virus (COVID-19). 
 
Kompañia hola desizaun tanba kompri dekretu governu liu hosi Ministériu Transporte no Telekomuniakasaun nian kona-ba situasaun emerjénsia atu prevene corona virus (COVID-19) iha Timor-Leste. 
 
Ofisiál Operasoens Voo Citilink no Sriwijaya, Fernando de Araújo, ba jornalista sira iha kna’ár fatin Aeroportu Internasionál Prezidente Nicolau Lobato Comoro, Domingu (29/03).
 

“Citilink ho Sriwijaya simu ona informasaun, liliu dekretu governu kona-ba situasaun emerjénsia COVID-19 ne’ebe hosi aeroportu ohin last flay (últimu semo) movimentu aviaun Sriwijaya no Citilink hosi Díli ba Denpasar no Darwin mai Dilí. Ohin semo ikus liu lori timor oan, Citilink tula nain 15 hosi Denpasar mai Díli no Sriwijaya nain 65 hosi Denpasar mai Díli, enkuantu pasajeiru sira ne’e maioria estudante sira” Ofisiál Operasoens Voo Citilink no Sriwijaya, Fernando de Araújo.

Nia informa liu tan, aviaun hirak ne’e sei aktivu hikas nia aktividade operasaun hafoin durasaun estadu emerjénsia ne’ebe estadu Timor-Leste fó sai ona.

“Sira (aviaun Citilink no Sriwijaya) sei semo fali iha dia 01 de Maio tuir oráriu normal maibe depende ba situasaun iha Timor-Leste, bainhira governu la perpanjang (estende) situasaun emerjénsia entaun tuir planu sira semo fali normal” aumenta Ofisiál Operasoens Voo Citilink no Sriwijaya ne’e.

Ofisiál Operasoens Voo Citilink no Sriwijaya, Fernando de Araújo dehan, banhira  governu husu apoia ba Sriwijaya no Citilink mak sira hanesan airlines, kompañia rua ne’e prontu koopera ho governu.Uar

Leave a Reply

Your email address will not be published.