AHMDTL Gaspar: PR Horta Prontu Buka Dalan Dorbitóriu ba AHMDTL
Naunil Media (Díli), Diretór Ezekutivu Asosiasaun Difisiensia Halibur Matan Timor-Leste (AHMDTL), Gaspar Afonso hateten, Prezidente Repúblika José Ramos Horta prontu atu buka dalan dorbitóriu ba AHDMTL feto no mane.
“Kona-bá ema ho difisiensia matan iha nasionál ita konsege ona halibur, maibé sira ne’ebé iha munsípiu sira nia vida ida ne’e mak ita luta hela, tanba daudaun ne’e ita atu akumula iha teritóriu Timor laran tomak, maibé difikulta ne’e mak fatin no foin lalais ami mai aprejenta ba Prezidente Repúblika José Manuel Ramos Horta, Xefe Estadu mós prontu atu buka dalan ba ami nia dorbitóriu ba feto no mane”, dehan Diretór Ezekutivu AHDMTL Gaspar Afonso ba jornalista sira hafoin enkontru ho Prezidente Repúblika José Manuel Ramos Horta iha Palásiu Prezidensiál Bairu-Pite, Segnda (30/05).
Gaspar hatutan, Ema sira ne’ebé AHDMTL halibur daudaun ne’e la’os iha Dili laran de’it, maibé sira ne’ebé husi munisipiu mós mai, maibé ne’e seidauk másimu espera katak oportunidade hirak ne’e bele halo netik buat ruma ba maluk difisiensia sira.
“Dezafiu mak fatin permanente seidauk iha, fundus permanente ba ami seidauk iha, tinan-tinan husi governu ladun tau prióridde, entaun ho oportunidade ida n’e ita bele ko’alia ba governu, atu governu bele tau seriedde ba asuntu ema ho difisiensia”, tenik nia.
Ema ho difisiensia la’os númeru uitaun barak hamutuk 38.118, depois tuir mai ne’e, la’os atu elimina difisiensia, maibé prevene bainhira setór sira relevante ne’e la tau atensaun halo didi’ak númeru ema ho difisiensia ne’e sei aumenta, nia hakotu. Ana
