PR, Lú Olo : “Gasta Osan FM La Benifía Povu”

Fahe Tutan

Naunil Media (Díli), Prezidente Repúblika (PR), Francisco Guterres ‘Lú Olo’, deklara, tinan-tinan Timor-Leste gasta osan hosi fundu minarai (FM), maibé la fó benifísiu ba povu nian moris.

Xefe Estadu Timor-Leste, Francisco Guterres ‘Lú Olo’, ba jornalista sira liuhosi nia deskursu ambitu selebrasaun independensia ba dala-18, iha Palásiu Prezidenciál Nicolau Lobato, Bairru Pité, Kuarte (20/05).

“Ohin la’ós atu fó-hanoin de’ it konkista bo’ot ne’e. Ita presiza hanoin klean saída mak ita halo ona no saída mak ita presiza halo maibé la halo, hosi 20 Maiu 2002 to’ o 20 Maiu 2020. Presiza tetu klean kona-ba osan ne’ebé ita hasai tinan-tinan hosi Fundu Minarai no gasta oinsá. Iha hahalok ruma ne’ebé gasta osan barak maibé lalori benefísiu ba Povu?. Ha’u husik hela hanoin klean ne’e ba ita hotu, iha loron ohin, liu-liu ba ukun-nain sira, iha tinan sanulu resin ualo nia laran”, hateten PR Lú Olo.

Aman Nasaun núdar simbolu unidade nasionál ne’e esplika “Iha ita-nia ukun to’o agora mosu dezafiu oin-oin. Banhira haree ba kotuk, mandatu governu ne’ebé to’o rohan mak IV Governu de’it. Governu sira seluk monu tuituir dalan tambasá?. Ida ne’e sai preokupasaun bo’ot tebes mai ha’u, nu’udar Prezidente Repúblika”.

PR, Lú Olo hatete,  iha tinan 2020  hahú ho problema ne’ebé afeta ba mandatu VIII Governu, ne’ebé harii ho maiória parlamentár ida hosi aliansa partidu tolu hanesan, CNRT, PLP no KHUNTO, ne’ebé manán iha eleisaun antesipada (EA), iha 12 Maiu 2018 liu-bá.

“Biar maiória parlamentár bele garante estabilidade governativa, mosu hosi maioria, ne’e duni hahalok ida ne’ebé hatudu relasaun frájil ida, katak relasaun ne’e la metin entre sira. Tanba Orsamentu Jerál Estadu (OJE) 2020 la pasa iha Parlamentu Nasionál, situasaun foun ida ne’e komplika estadu tomak ninia funsionamentu no afeta mos na Povu nia moris”. dehan PR Lú Olo. Dms

Leave a Reply

Your email address will not be published.