Hakotu COVID-19 Iha TL, CIGC Kontinua Husu Kolaborasaun Ba Sidadaun Hotu

Fahe Tutan

Naunil Media (Díli), Porta voz Sentru Integradu  Jestaun Krize (CIGC-Sigla Português) dra. Odete da Silva Viegas, hateten atu hakotu Surtu COVID-19 iha Timor-Leste (TL), nafatin presija kolaborasaun hosi sidadaun hotu-hotu nian,  maske kazu pasiente pozitvu laiha ona.

Porta voz CIGC dra. Odete da Silva Viegas, ba jornalista sira liuhosi komunikadu imprensa iha  Sala Sentru Centro de Convenções de Díli (CCD), Kuarta (20/05).

“Hakarak fó hanoin ba maluk sira hotu, katak  Timor-Leste ohin loron kazu foun ba COVID-19 laiha, hosi rezultadu sira ne’e esforsu ita hotu nian. Ita konsege  detekta moras ne’e tau iha  izolamentu no fó tratamentu, susesu sira ne’e fó   motivasaun no dezafia ba ita  hotu ne’ebé  servisu todan lubun bo’ot ne’e, presiza  ita hotu-nia kontribuisaun ba etapa sira tuir mai, servisu fó liman ba malu, kria unidade mak ita bele ultrapassa bareira   no hatudu ba mundu katak Timor-Leste moos hosi COVID-19”,  hateten dra. Odete.

Porta voz dra. Odete, informa dadus iha Kuarta (20/05) ne’e, númeru kumultativa teste hamutuk nain  1533,  hein rezultadu teste nain 253,  kumultativu kazu konfirmadu 24,  kazu foun la iha, rezultadu teste hosi laboratóriu negativu hamutuk nain 1256,   kazu rekoperadu 24  no mate laiha.

“Pesoal profesionál saúde iha kuarentena  hamutuk nain 11,  ema iha kuarentena obrigatóriu no auto-karentena nain 87, karantena obrigatóriu nain 44, iha Díli nain  38, hosi munisípiu nain 6. Dadus totál  iha auto-kuarantena nain 43, Díli nain 38,  munisíipiu nain 5,  kumpre loron  14  iha  kuarentena nain 2250, Díli  nain 1750 no munisípiu nain 500”, relata dr. Odete.

Nia dehan, ekipa servisu vijilansia ba triajem sei kontinua haleu iha teritóriu laran tomak, parte  autoridade lokál no komunidade sira presiza servisu hamutuk ho pesoal professionál saúde sira ne’ebé desempeña servisu  iha terenu. Fet

Leave a Reply

Your email address will not be published.