VPM Armanda Husu MS Fó Atensaun ba Profesionál Saúde
Naunil Media (Díli), Vise-Primeira Ministra (VPM) ba asuntu Soliadariedade Sosiál no Inkluzaun, Armanda Berta, husu Ministériu Saúde (MS) atu fó atensaun ba profesionais saúde, médiku no infremeira sira ne’ebé durante hala’o serbisu iha Surtu COVID-19.
“Vise-Primeira Miniastra ba asuntu Solidariedade Sosiál no Inklizaun Armanda Berta husu atu fó atensaun mós ba mediku no enfremeira sira ne’ebé mak durante ne’e hala’o servisu ba Surtu COVID-19”, Ministra Saúde (MS) Odete Maria Feitas Belo, ba jornalista sira hafoin sorumutuk ho VPM, Armanda Berta, iha MSSI, Kaikoli, Tersa (21/07).
Ministra Odete, haktuir liu-tan VPM husu mos ba Ministériu Saúde atu fó atendementu ba pasiente sira oinsa lori servisu saúde ba iha komunidade no hadiak infraestrutura iha postu saúde no sentru saude sira.
“Fó asistensia ba médiku sira nia hela fatin, tanba dala barak iha area rurais sira médiku sira la iha fatin no ekipamentu médiku”, tenik governante ne’e.
Tuir membru Governu konstitusionál da-ualu ne’e, presiza kooperasaun servisu no elaborasaun ideia hotu-hotu atu redúz kustu ba iha sistema referral no atensaun nafatin ba médiku no infermeru sira mak durante ne’e servisu hela ba iha Surtu COVID-19.
“Ministériu saúde tenki asegura servisu sira iha fronteira, portu no ema sira ne’ebé tama illegal, ita tenke tau matan no tenke kontrola. Ita-nia rai laran la presiza distensia sosiál. Bainhira halo festa importante kordena ho ministériu saúde no ministériu relevante sira atu asegura servisu”. dehan Ministra Odete. Ina.