Auxiliadora Orgullu Sai Kampeaun Miss Figura 2020
Naunil Media (Díli), Atleta Auxiliadora Gonçalves orgullu tanba sai kampeaun Jar Fitness, kateroria feto ho klase miss figura 2020 Kompetisaun body building mak hala’o Sábadu (24/10).
Ema besik rihun ida mak entuziazmu asiste kompetisaun hatudu dezenvolvimentu fíziku hoot pezu nian iha areadór Timor Plaza.
Kompetisaun kategoria feto miss figura 2020, mosu iha palku feto Timoroan sira la moe hodi hatudu parte pozitivu ne’ebé sira iha hodi kompete no anima públiku iha palku leten.
Hafoin sa’e palku no hatudu atrasaun fíziku ba dala rua, no tama iha faze final, atleta ho númeru konkorrente 53 hetan nomeasaun hosi ekipa juri hodi sai kampiaun ba miss figura 2020.
”Ha’u orgullu no agradese ba Maromak, hetan oportunidade ne’e no ba Jar Fitness fó ona oportunidade, konfiansa mai ha’u hodi ohin loron bele hetan premiu lugar”, Auxiliadora Gonçalves espresa sentiment kontente ba Jornalista sira hafoin simu prémiu nu’udar manan na’in
Nia dehan, antes ne’e halo ona preparasaun durante fulan rua.
“Ha’u espera bele sai atleta ne’ebé di’ak liu-tan iha future”, dehan Auxiliadora
Nia husu “Ha’u atu fó hanoin ba kolega feto sira, ita feto mós bele la’ós haree de’it ba mane”.
Tuir Auxiliadora, dala barak feto sira atu sai atleta maibé hanoin barak loos, tanba ne’e Nia enkoraza kolega feto sira, katak feto mós bele la’ós mane de’it maibé feto mós bele. Dvo
