David: Rede Feto Buka Advokasia Juleita nia Mate
Naunil media (Díli), Família husi matebian Juleita Cristina, David da Silva Xavier informa, família la satisfas matebian Juleta Cristina da Silva nia mate tara an iha loron 25 Abríl 2021, postu administrativu Baguia, munisípiu Baukau tanba ne’e família husu Rede Feto halo advokasia ba julieta ninia mate.
Tuir David, Kazu tara an ne’ebé mak akontese iha Baguia Juleita Cristina da Silva ho idade tinan 23 agora dadau viral iha media sosial hatudu katak mosu insatisfasaun tanba kronolojia tara an ho kondisaun hakneak, kaben la sulin, nanal lasai no tali neebe nian uja ho modelu ne’ebé maka la’ós tara an ho razaun ida ne’e.
“Ami husi juventude no estudante ne’ebé hamahan iha organizasaun Klibur juventude suku Loi-Ulo (KJSLU) no família sira husi Díli ladun satifas la lakonkorda ho koronolojia kona-ba kazu tara an ne’ebé mak akontese ba ami-nia feton no oan”, dehan David da Silva Xavier ba jornalista sira liuhusi komunikadu imprensa, iha aldeia Motaulun Suku Bekora, Postu Adiminstraivu Cristu Rei, segunda (26/04).
“Ami deskonfia vitima la tara an bazeia ba informasaun ne’ebé ami rekolla no foto ne’ebé espalla iha media sosial hatudu katak ema seluk mak oho vitima no lori nian ba tara iha ai-kami”, nia hato’o.
Nia husu, ejiji ba parte kompetente Polísia Nasionál Timor-Leste (PNTL) iha Postu-Adiminstraivu Bagiua no PNTL Munisipu Baukau investiga klean ba kazu tara an.
“Ami husu ba polísia forensik no PSIK atu halo autopsia ba mate isin refere hodi nune’e bele hatene kona ba motivu akontesementu. Husu ba Rede Feto, ho nia membru sira hanesan, fundasaun Alola, JSMP, Fokupers, PDHJ atu halo adivokasia bazeia ba Direitu Humanu, Ministeru Públiku atu toma medida no loke prosesu investigasaun profundu ba kazu tara an refere.pau/Ana
