MAP-MPM no WFP Apoiu Nesesidade Bázika Ba Vítima Dezastre Naturál Iha Hera

Naunil Media (Díli), Relasiona ho  inundasaun ne’ebé akontese iha loron  4 Abríl 2021,  Ministériu Agrikultura no Peska (MAP), Ministériu  Petrolium Minerais (MPM)  no World Food  Programme (WFP) fó apoia nesesidade bázika  ba vítima dezastre naturál iha  Suku  Hera, Aldeia Ailoklaran.

Ministru Agrikula no Peska (MAP), Pedro dos Reis informa,   MAP, MPM, ho WFP hamutuk    vizita ba fatin inundasaun hodi haree ba areia afeitadu ba komunidade sira-nia toos no natar sira ne’ebé hetan estragu.

“Ami hamutuk haree ba area afeitadu sira ne’e, afeitadu kona mós ba komunidade nia natar toos tanba ne’e mak ami mai halo vizita”, dehan MAP Pedro dos Reis  ba jornalista sira, iha aldeia Ailoklaran, Suku Hera, segunda (26/04).

Nia hatutan,   MAP  atu foti media maibé   rona rai ne’e sei iha disputa ho liña ministerias seluk entaun presiza sei halo komunikasaun ho didiak.

Iha fatin hanesan MPM, Victor da Conceição Soares haktuir, hanesan membru governu sira tenki solidariu ba inudasaun ne’e no apoiu  ho kbi’it ne’ebé mak   iha.

“ami tenki solidariu ba inudasaun ne’ebé akontese ba komunidade ida ne’ebé  haosru situasaun indundasaun.   Ha’u   mai para koalia ho komunidade sira problema saida mak sira afeita no  lori mós apoiu ki’ik oan ida mai para fó apoiu ba sira”. Ministru MPM  ne’e hato’o.

Nesesidade ne’ebé   MAP, MPM no WFP oferese ba vítima inundasaun sira mak hanesan foos  10 sakas, Mina bimoli 15,  Supermi 15 kaisa, no manu tolun kaisa 10.

Iha fatin ne’e vítima Martina Teseira haktuir, husi Aldeia Ailoklaran senti kontente maske kleur mak nain  ulun sira mai  haree  maibé  agradese tanba bele hakat mai haree direta komunidade afetadu sira.

Entretantu  aldeia Ailoklaran, suku Hera, postu administrativu Cristu-Rei vítima aldeia Ailok Laran totál uma 70-resin no  lakon ema nain 4 nia vida. Ivo