FEATUREDIkus LiuNewsSeguransa

Jenerál Lere : Labele Lori Problema Pasadu Julga Malu iha Tempu Ukun-án

Fahe Tutan

Naunil Media (Díli), Xefe Estadu Maior Jenerál FALINTIL Forsa Defeza Timor-Leste (F-FDTL), Maijór Jenerál Lere Anan Timur, apela ba líder nasionál 1974 nian atu labele lori problema pasadu nian hodi julga malu iha tempu ukun rasik-án.

“Husu ba líder nasionál sira tuur hamutuk halo konsensu ba malu no labele lori problema sira pasadu nian hodi julga malu iha tempu ukun rasik-án”, Eis-komandante Rejiaun Um Ponta Leste, Lere Anan Timur, ba jornalista sira hafoin enkontru semenal ho Prezidente Repúblika (PR), Francisco Guterres ‘Lú Olo’ iha Palásiu Prezidensiál Nicolau Lobato, Bairu Pité, Kuarta (01/07).

Tanba ne’e, Jenerál Lere, apela apela ba líder nasionál, liu-liu líder 1974 nian atu labele kahur problema hodi hamosu krize lideransa.

“Ha’u apela ba sira, liu-liu lideransa nasionál 74, katak imi nia problema iha  funu  laran hotu ona iha, ne’ebé labele lori mai Timor”, apela eis gerileiru veteran 24 anos, Jenerál Lere.

Tuir Lere, krize lideransa mak agora dadaun akontese iha Timor-Leste mai hosi líder nasionál 1974  nian no la’ós líder 2020 nian.

“Problema funu nian hotu ona, karik uluk imi iha ai-laran diskute malu, hadau malu iha momentu ne’eba lalika lori mai to’o ukun rasik-án. Karik iha problema lori ba tribunal, la’ós tau tun-sae iha media sosial hodi kria konfuzaun ba sosiedade sira”. Dehan Jenerál Lere. Dms

Leave a Reply

Your email address will not be published. Required fields are marked *