Dom Virgílio: Domingo Ramos Sinal Vitoria Jesus Manan iha Kruz

Naunil Media (Díli), Arsebispo Dioseze Díli Dom Virgílio do Carmo da Silva haklaken, Domingo ramos sinal vitoria Jesus manan iha kruz.

“Tama ona iha Jerusalem hodi tuir evanjelismu ninia terus, ninia mate no ninia moris hi’as, tama ba Jerusalem hahi Jesus nudar liurai nia lori ramos hanesan ramos iha ita nia liman, ramos sinal vitoria Jesus manan iha kruz”, dehan Arse Bispo Dom Virgílio do Carmo da Silva iha selebrasaun Domingo ramos iha Igreja Catedral Díli, Domingo (10/04).

Bibi atan ne’e hatutan, dala barak bainhira ko’alia kona-bá paixaun Jesus ninian, liu liu atu liga ho Jesus nia sofrimentu, ohin São Lucas konvida ita haree liu ba ninia terus, la haree ba sofrimentu ita Nai Jesus Kristu ninian, maibé ita haree rajaun tanba sa?, saida mak rajaun ba Nia sofrimentu ba Nia saran an ida ne’e.

“São Lucas uza lia fuan paixaun la’os kona-bá terus, maibé São Lucas hanaran paixaun nia hun, paixaun domin ninian, tanba domin Nia saran Nia an, domin ne’ebé ita Nai Jesus Kristu hatudu liu husi evanjellu ne’ebé ohin ita rona”, katak nia.

Se Jesus foti nia an hakarak vontade de’it karik, se nia la preokupa ho ita karik, nia hakmatek iha Nazare ne’e ba iha ninia fatin, maibé tanba domin Nia la hili nia rain, nia knua Nazare,  maibé Nia hili Jerusalem, Nia preokupa tanba Nia haree mundu ida ne’ebé dumina ema nia moris aat, mundu ida ne’ebé ema nia egoismu hanoin nia an dunima, tanba ema nia egoismu hamosu iha kompesitasaun, bainhira kompetisaun mosu arogansia, hodio, vingansa, violensia, dala barak ita barak sai atan ba ita nia an iha nakukun sira, tanba ita sei iha hela mundu ida ne’ebé nakukun nian, mundu tuan. Nia haktuir.

Mundu ida ne’ebé mak tuan mak dumina ita, haree Jesus Nia hili Jerusalem Nia hakarak atu apresenta mai ita katak mundu foun, reinu foun esperitu foun, mundu foun ida ne’e mak saida? Mundu ida ne’e mak ita rona ona evenjellu São Lucas ninian, dehan nia.

Hakarak foti de’it karakteristka balu bele sai hanesan referensia, nudar reflesaun ba ita nudar sarani iha semana santa, da uluk bainhira ko’alia kona-bá mundu foun ida ne’e karakteriza, mundu foun harii ho domin, Jesus ohin molok ita haree Nia terus nia halibur nia eskolante sira, hodi han ikus ho sira, Nia han ikus nian Nia kaer kalise, Nia kaer Paun saran ba Nia eskolante sira, halo iha ne’e hodi hanoin ha’u sinal domin nian, mundu foun ne’ebé harii ho domin, fó an ba ema seluk fó ninia an nudar aihan nudar Paun bele fó haksolok ba ema seluk ba nia an, fó ninia hadomi ba ema hotu, nia hakotu lia. Lop