Henrique : Pasa Revista Atu Preve Krime no Eduka Sidadaun Hatene Regra

Fahe Tutan

Naunil Media (Díli), Komandante PNTL Munisipiu  Díli, Superindente Xefe Henrique da Costa, hateten PNTL liu husi Unidade Trânzitu halo check point (pasa revista) ba kareta no motor sira iha Díli laran nu’udar meius prevensaun krime no eduka sidadaun sira hatene regra sira.   

“Ita halo pasa revista ne’e, sempre hetan balu la uja kapasete, dokumentus, balu asesores motor nian la-iha, inkliu mos kareta. Ida ne’e mak ita-nia intensaun. Nu’udar meius halo prevensaun krime no mos eduka, nune’e sidadaun sira bele hatene regra sira”,  Komandante Munisípiu Díli, Superindente Xefe Henrique da Costa, ba jornalista sira hafoin sorumtuk ho Diretór Eskola sira, iha Kuartel Jerál PNTL, Kaikoli, Kuarta (14/06).

Superindente Xefe Henrique da Costa, afirma komunidade sira  uza transporte privadu ka marka estadu nian, ntenke iha dokumentu no kapasete tanba bain-bain PNTL pasa revista barak mak la iha dokumentu no la uza kapasete.

“Estudante balu kuandu sa’e motor ne’e dala ruma ema nain tolu bele sa’e motor ida”, informa Henrique da Costa.

“Balu dehan sa’e motor ne’e lapresija dokumentu tanba ne’e loro-loron iha komandu sempre prende 20 to’o 30 loron ida”. Dehan Henrique. Flo

Leave a Reply

Your email address will not be published.