Covid-19: Kazu Komfirmadu Foun 48
Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo, informa ekipa Sala Situasaun Sentru-Integraddu Jestaun Kreize (SS-CIGC- sigla Portugés) Covid-19 kazu pozitivu foun ne’ebé rejista tan na’in-48.
Portavoz Kordenadór Forsa-Tarefa Ba Mitigasaun Surtu Covid-19 Dr. Rui Maria de Araújo hato’o asuntu ne’e Naunil Media asesu liuhusi nota imprensa husi Sentru Jestaun Krize (SIJK), domingu (02/04).
“Dadus jerál ba Timor-Leste tomak kazu detetatu foun ne’ebé relata ohin hamutuk nain 48 (iha Dili 46, iha munisipiu seluk 2), husi total kazu detetadu foun ohin mane 32, feto 16, husi total kazu detetadu foun ohin: idade tinan 12 mai kr’aik nain 1, idade, entre tinan 12-59 nain 45 (93,7%), idade tinan 60 ba leten nain 2. Husi total kazu detetadu foun ohin asintomátiku 100% no husi total kazu detetadu foun ohin, 15 (31,2%) maka deteta pozitivu tamba halo teste ho razaun atu halo viajen/ka halo ona viajen ba Munispiu ka ba estranjeiru”, dehan Dr Rui.
Dr Rui relata, dadun total kazu konfirmadu kumulativu husi 2 Maiu 2021 hamutuk 2444. Kazu rekuperadu ne’ebé ralata ohin 26, Total kazu ativu ohin, dia 2 de Maiu 2021: 1260.
Husi horiseik mai ohin loron 2 Maiu, hamutuk hotu Laboratóriu Nasionál Saúde halo 579 testes PCR iha Dili, ho detalles hanesan Vijilánsia sentinela 36, Rastreiu ba kontaktu (Contact tracing) 87, Rastreiu Aleatoriu (Random Screening) 137, Viajen sai husi serka sanitária Munisipiu Dili 306, Viajen internasionál 4 no Follow up iha quarentena na’in 9.
“Total testes PCR ne’ebé halo horiseik dia 1 de Maiu iha Munisipiu sira seluk hamutuk 257, ho detalle hanesan tuir mai: (a) Baucau: 111 ; (b) Ermera: – (c) Maliana: 19; (d) Maubisse: 124 ; (e) RAEOA – ; (f) Suai: – ; (g) Viqueque: 3 no Teste follow up ba sira iha fatin izolamentu: 48 (24 negativu ona, 24 sei nafatin pozitivu)”. Tenik nia.
Relasiona númeru kazu kontinua aumenta, Dr. Rui apela, ba populasaun iha Timor-Leste laran tomak atu tu’ur hakmatek, kumpri ho rigor regra serka sanitaria no konfinamentu domisiliáriu ne’ebé Konsellu Ministru deside ona implementa hahú da 30 Abríl 2021. Husu atu hotu-hotu kolabora ho autoridade saúde sira hodi bele buka-tuir ema hotu ne’ebé hetan da’et ona virus ne’e, no izola husi ema ne’ebé seidauk hetan da’et tutan no kumpri nafatin regra prevensaun covid-19. Ipe
