Famílila Vítima Nicolaos: La menta Atuasaun KPK Asaun Fíziku Hasoru Fransisco Ho Julião

Naunil Media (Díli), Relasiona komfrontu iha area Eis-Merkadu Bekora Família vítima Nicolaos Pinto deklara,  la menta maneira atuasaun  komflitu husi Konsellu Polisiamentu Komunitaria (KPK) hodi halo  asaun agresaun fízika hasoru vítima Fransisco Da Costa Gomes ho Juliao dos Santos Gomes.

Relasiona ho Akontesimentu iha loron 29 fulan Abril tinan 2021, iha tuku 10 kalan, iha area Eis-Merkadu Bekora, ne’ebé provokasaun husi joven bairu Saraf, Suku Kuluhun halo asaun provokasaun ba joven bairo Tenpral, Suku Becora liu husi tuda fatuk hodi rejulta tuda kanek vitima Juliao dos Santos Gomes.

Tuir Portavos Nicolaos Pinto haktuir, kronolojia  vitima ne’ebé  Juliao dos Santos Gomes hetan kanek iha kanuruk, ulun parte sorin los, wainhira vitima rasik tur hela iha varanda uma oin halimar hela game PUBG.  nune’e  mak vitima rasik tama ba uma laran fanu vitima nia maun ne’ebe nia hela hamutuk, ho naran Fransisco Da Costa Gomes, “nu’udar maun rasik hanesan mos Vitima” hader mai haree ba nia ulun kanuruk no ran sulin maka’as ona.  

“maun (Francisco) ho nia kaben deside atu lori vítima ne’ebé hetan tuda “kanek” iha kanuruk atu ba hato’o keixa iha Policia Eskuadra Cristo-Rei. Maibe wainhira sira na’in rua la’o to’o estrada bo’ot, simu kedas agresaun fizika husi pesoal “KPK” husi Suku Kuluhun ho naran koinesidu Ameu ‘Kalohan’ ho nia maluk lubuk ida ne’ebé vítima ladun koñese, tun husi kareta marka HILUX ho sapa matrikula 18-567 mai tuku, tebes, no sama sira na’in-2 iha estrada hodi rejulta tan vitima Francisco Soares Gomes ulun nakles, oin no koskoleta bubu, no to’o agora sai  grave”, dehan Portavos Nicolaos Pinto ba jornalista Sira Liu husi komunikadu imprensa iha eix merkado Bekora, temporál, domingu (02/05).

Nia hatutan, Liu de’it minutu balun, kareta Patroli ho marka HILUX husi Estasaun Kaicoli to’o direita iha fatin refere nune’e iha oknum Polísia na’in rua mak tun husi kareta hodi suta/tebe tan vitima Francisco Soares Gomes nia koskoleta, kabun no sama tan vitima nia ulun ba aspal hodi halo grave liután.

“Depois ne’e, sira nafatin fó kompetensia ba oknum intelijensia sira ne’ebé uja roupa sivil hodi baku tan vitima Francisco Soares Gomes ho nia alin Juliao dos Santos Gomes, rasta de’it vitima Francisco Soares Gomes tuir aspal leten hodi hatama ba kareta, no lori direita sira na’in rua ba iha Sentru Saúde Bekora hodi suku vitima Francisco Soares Gomes nia ulun ne’ebé hetan kanek no suku ho kabas pontu tolu”, nia esplika

Portavoz dehan,  depois  sira kontinua lori fali vítima na’in rua ba Estasaun Eskuadra Kristo Rei, hodi presta deklarasaun, maibé Ia konsege atu presta desklarasaun tanba vitima na’in rua iha kondisaun fíziku ne’ebé grave tebes ona nune’e, vitima rasik ejije atu lori sira ba Hospital Nasional Guido Valadares hodi bele hetan tratamentu emergensia no konsege baixa halo test mediku iha sala emergensia iha oras mais ou menus tuku 12 ho balun kalan.

“Depois baixa tiha, mediku sira haruka sira fila fali mai uma iha, loron 30 fulan Abril tinan 2021, iha tuku 7 dader Otl. Vitima na’in rua ne’ebe hetan agresaun fiziku, hanesan oan husi Veteranu no mate restu masakre Craras Sr. Joao Evangelista Gomes ho kodigu TIGA KALI, no kuaje familia lubuk ida mak mate iha funu ba libertasaun da Patria. Tanba ne’e, nu’udar familia vitima, joventude no komunidade iha bairo Temporal Becora, sente ofendidu ho asaun ne’ebe halo ba vitima na’in rua. Nia haktuir.

“Ami  família vitima, joventude no komunidade bairo Temporál Bekora, ejije maka’as ba Ministru dos Assuntos Combatentes da Libertasaun Nasional,  Julio Sarmento da Costa “Meta Malik” atu toma atensaun ba aktus sira ne’ebé konsidera fó ameasa ba dignidade moris veteranus ho nia família iha rai doben Timor-Leste”. nia apela.

Família vítima ne’e husu, ba Ministeriu Publiku (PM) atu investiga  Ameu Kalohan membru KPK Suku Kuluhun, hodi hatudu autor sira ne’ebé involve direita iha agresaun fiziku hasoru vitima na’in rua no Polisia Nasional Timor-Leste (PNTL) atu toma medidas rigorozu hasoru pessoal Policia ne’ebe involve direita iha kazu agresaun fiziku ida ne’e.

Nune’e mós família husu, komando Polísia Munisípiu Díli atu haree fila fali ba kapasidade no mentalidade pessoal husi Konsellu Polisiamentu Komunitaria “KPK” ne’ebe dala barak ona hala’o fali servisu Policia formal no evidensia hatudu vitima barak ona mak sofre husi intervensaun negativu husi membru KPK ne’ebe koloka iha Suku Kuluhun.

“Ami Husu ba organizasaun Direitus Humanus hanesan Providoria dos Direitus Humanus e Justiga (PDHJ), atu reforsa ejijensia husi familia vitima hodi hetan rejultadu justisa no Jerasaun Patriota sira atu kontinua reforsa tan ejijensia husi familia vitima hodi bele hetan lalais nia rejultadu justisa ne’ebe loos no justu”. Tenik nia.  Ipe