WHO : “TL Sei Livre Husi Corona Virus”

Fahe Tutan

Naunil Media (Díli), Reprezentante Ofisiál Planeamentu no Jestaun Programa Organizasaun Mundial Saúde (WHO-Sigla Ingles), Luís dos Reis, hateten WHO servisu hamutuk  ho Ministéiru Saúde (MS) hodi  halo investigasaun hatudu katak iha Timor sei livre husi corona virus.

Luís dos Reis informa kestaun ne’e ba jornalista sira hafoin programa desiminasaun informasaun kona-bá Corona Virus mak hala’o iha Salaun Polísia Militar, Kintal Bo’ot, Kinta (05/03).   

“Ita nia nasaun viziñu hanesan Indonesia, Australia no Singapura kona ona corona virus, maibe investigasaun ne’ebé mak halo husi Ministeiru da Saúde ho apoia husi Organizasaun Mundial Saúde, hatudu katak iha Timor sei livre husi moras corona. Posibilidade bele tama mai iha Timor, karik  liu husi fronteira, aeroportu no portu”, dehan Nia.

Ofisiál programa desiminasaun husi organizasaun saúde mundial ne’e hatutan,  durante iha rumoris deit, maibe seida’uk iha informasaun ofisiál ruma, tantu Timor oan no sidadaun sira estranjeiru iha Timor afeitadu corona virus, tanba ministériu saúde ho WHO halo servisu maka’as hodi taka dalan ba virus refere.

Iha fatin hanesan, Komandante Unidade Policia Militar (PM) FALINTIL Forsa Defeza Timor-Leste (F-FDTL), Majór Abel da Costa Xavier ‘Niki’, konsidera programa desiminasaun informasaun ne’e importante tebes ba membru tropa sira nune’e bele kompriende hodi halo prevensaun.

Programa desiminasaun informasaun kona-ba corona virus ne’e hala’o durante loron ida, no partisipa husi kuaze membru tropas polísia militar F-FDTL tomak. Flo/Pau

Leave a Reply

Your email address will not be published.