Lere Seidauk Foti Desizaun Apoia Horta-Lú Olo
Naunil Media (Dili), Kandidatu Prezidente Repúblika, Tenente Jenerál reformadu, Tito da Costa Cristovão “Lere Anan Timur”, seidauk foti desizaun atu apoiu Kandidatu Prezidente da Republika, Ramos Horta ho Francisco Guterres Lú Olo, iha eleisaun Prezidensiál segunda volta.
Lere Anan Timur, Kasu lia hirak ne’e, ba jornalista sira, Liu hosi konferénsia imprensa ne’ebé hala’o sede nasional Pantai kelapa, Tersa (29/03/).
Iha komferensia impresa ne’e, Lere Anan akompaña hosii ekipa susesu sira deklara katak servisu ne’ebé importante ba nia atu kontribui maka problema asuntu nasionál nian.
Sobrevivente segundu jerasaun Comité Centrál FRETILIN (CCF) afirma, to’o agora sei kolen hela presiza deskansa tanba liu durante semana rua, hala’o kampanha mesak ba kandidatura Prezidente Repúblika 2022-2027 nian haleu Timor laran tomak.
Lere Haktuir, Iha sabdu liu ba hasoru malu ona ho Sekretáriu Jerál partidu FRETILIN Mari Alkatiri ho Prezidente FRETILIN Lú Olo.
“ Sábadu ha’u hasoru Sekretáriu Jerál partidu FRETILIN maun Mari Alkatiri ho Prezidente FRETILIN, Maun Lú Olo. Maun Lú Olo fó hatene ha’u atu ba hamriik iha palku ho sira nain tolu; Mari Alkatiri, Taur Matan Ruak ho Lú Olo iha kampaña prezidensiál segunda volta nian. Maibe Ha’u dehan ha’u seidauk deside; primeiru ha’u kolen tanba semana rua nia laran ha’u la’o mesak, ema ida la apoia ha’u,” Dehan Lere Anan Timur.
Kona-bá Lere Anan Timur atu fila ba FRETILIN tuir deliberasaun akta husi Komisaun Polítika Nasional (CPN, sigla portugés) FRETILIN nian ne’ebé asina husi prezidente CPN-FRETILIN, Mari Alkatiri, iha loron 26 fulan-Marsu 2022.
Hatan ba Preguntas hosi Jornalista sira, Lere Hateten, iha nia kandidatura ne’e hetan apoiu husi ema oioin no husi partidu oioin, inklui militante FRETILIN sira barak, tanba ne’e, situasaun sira ne’e kompromete sei tetu ho didi’ak no ho kalma atu oinsá mak deside iha tempu badak nia laran.
Nune’e Lere Anan Timur promete iha tempu badak sei anunsia ba públiku atu apoia kandidatu Lú Olo-Romos.
“ labele depende ba públiku. Ha’u nia apoiante sira mak depende ba ha’u nune’e ha’u sei sukat no ha’u sei dasi,” Tenik Lere.Latu
