Adjunta PJR: Durante Kampaña no Eleisaun Krime Eleitoral 6 Akontese iha Díli
Naunil Media (Díli), Adjunta Prokurador Jerál (PJR) Remizia de Fatima hateten, Durante tempu kampaña no eleisaun kazu krime Eleitoral neen (6) mak akontese iha Dili ida (1) iha Baucau no mós perturbasaun aktu Eleitoral ne’ebé akontese iha Fomentu.
Adjunta Prokurador Jerál Remizia de Fatima hato’o lia hirak ne’e ba jornalista sira hafoin enkontru ho Prezidente Repúblika (PR) Francisco Guterres “Lú Olo” iha Palásiu Prezidensiál Nicolau Lobato Bairru Pite, segunda (28/03).
“Kona-bá kazu ne’ebé akontese durante kampaña no mós eleisaun ninian, iha krime Eleitoral ninian iha Díli kazu neen 6, no mós iha Baucau kazu ida 1, no ba prosesu sira kona-bá perturbasaun ba aktu Eleitoral durante votasaun ninian no presesu hirak fraglante de litu hotu-hotu, lori tiha ona ba tribunal iha prosesu sumariu no maioria hetan ona desizaun husi Tribunal, tantu iha Díli no Baucau”, dehan Adjunta PJR.
Adjunta PJR hatutan, Uniku kazu ida perturbasaun ba aktu Eleitoral iha Fomentu mak aprezenta ba iha primeira interogatoriu, no desizaun iha ona aprezentasaun periodika tanba akontesementu ida ne’e lahanesan sira seluk.
Remizia esplika, Tanba perturbasaun aktu Eleitoral ho violensia no depois uza mós arma, ho nune’e mak aprezenta ba primeiru interogatoriu agora iha ona faze investigasaun, mós seluk ne’ebé mai prosesu sumario maioria iha desizaun husi Tribunal.
Remizia kazu rua kona-ba propaganda aktu Eleitoral ida akontese iha Liquiçá, no ida akontese iha bairo dos Grilhos nian, ida ne’e prosesu normál la’o kona-bá ida ne’e.
Adjunta ne’e mós informa ba Prezidente Repúblika kona-bá kazu pendente ne’ebé iha prosesu normal, to’o agora hamutuk 2369 prosesu ne’ebé mak tama iha tinan 2022 entrada hamutuk 2750, no agora redus ba 2369 maioria pendente iha prokurador Distrital Díli tuir Baucau, Suai no Oe-Cussi ikus liu.
Nia dehan, Kona-bá kazu korupsaun ne’ebé pendente hamutuk 105 prosesu ne’ebé antes ne’e mai ho 108, maibé prosesu balun ne’ebé mak finaliza ona depois agora hela 105 prosesu pendente hela iha Gabinete Sentrál Conbate Corrupção (GSCC), iha Munisípiu seluk Baucau lima (5), Suai neen (6) no Oe-Cussi mós iha neen (6) prosesu no barak liu iha Dili nian.*Jos
