Espoza Xefí Kaza Sivil Hakotu I’is, PR Ható Sentidu Kondelensia

Fahe Tutan

Naunil Media (Díli), Espoza husi Xefí Kaza Sivil Prezidensiál Repúblika Francisco Maria de Vasconcelos hakotu I’is no fila hikas ba Nain nia kadunan Santo iha Tersa kalan ne’e.

Iha biban ne’e husi Prezidenti Repúblika mós ható sentidu Kondelensia ba xefí kaza sivil Francisco Maria de Vasconcelos ne’ebé mak lakon ona espoza Eugenie A. Tatulese.

Espoza husi Xefí Kaza Sivil hakotu I’is hodi husik hela Família sira no fila hikas ona ba Nain Nia kadunan Santo Rohan Laek nian iha, Tersa, (24/08/2021) iha Manado Indonezia.

Espoza XKS Eugenie A. Tatulese moris iha loron 05 fulan Agostu iha  tinan 1970 iha Lirung, Manado-Indonesia. Kaben ho xefí kaza sivil Francisco Maria de Vasconcelos tinan 1997.

Hetan Ordenasaun sai pastora iha Igreja Protestante Timor-Lorosae (IPTL) iha tinan 1998, no fila hikas ba Aman Maromak nia kadunan santo iha Tersa mais ou menus tuku 12:00 kalan.

Matebian durante moris iha Timor-Leste partisipa mós iha luta klandestina, no nia konta bankaria uza hodi hala’o transferensia fundus ba Falintil.

Nia hakotu I’is iha Indonézia tanba Sofre moras Kankru durante tinan rua nia laran no halo tratamentu iha Indonézia no ikus mai matebian remata nia peregrinasaun iha mundu ida ne’e. *Jos

Leave a Reply

Your email address will not be published. Required fields are marked *