CNC-AJAR Konsege Lori Fila Timor-Oan Lakon Iha Okupasaun Hamutuk 200
Naunil Média (Díli), Prezidente Ezekutivu Centru Nasional Cega (CNC), Hugo Maria Fernandes informa, CNC ho Asian Justice and Right (AJAR) nia servisu hamutuk iha tinan 2019 konsege lori fila Timor-oan ne’ebé lakon durante okupasaun Indonézia iha Timor-Leste (TL).
” CNC-AJAR iha TL ita halo kontinuasaun parseria bá buka ema lakon sira iha Indonézia iha tinan 2019, Entaun ida ne’e mak durante ne’e halo ne’ebé mak iha maibé entermus, agora ita loke prosesu reunifikasaun durante ne’e para tiha 2019 labele mai.” Dehan Prezidente CNC, Hugu Maria Fernandes, bá jornalista sira iha CNC, Tersa, (29/03).
Nia haktuir, Tanba Covid-19 ne’e hetan ona ema lakon 200 resin ne’ebé mak lori fila mai ona TL, Maibe ba sira ne’ebe hasoru ona familia hamutuk ema 100. Balun labele mai tamba famili iha hela Indonesia ne’eba.
” Agora ha’u bele hateten ema hamuuk 200 no ema ne’ebé fila mai hasoru ona nia família ne’e 100, prosesu balun la lori fila mai ne’e tanba kestaun sira nia família rasik iha ne’ebá no balun sira tauk mai karik sira la fila.” Tenik PrezidenteHugu.
Iha fatin hanesan, Diretor Ezekutivu AJAR, José Luís Oliveira, Akresenta, agora dau-daun hetan ona 100 resin ne’ebé mak entrega ona ba familia.
” Durante tinan rua ne’e esforsu atu buka ne’e ladún iha progresu signifikativu tanba kestaun Covid-19, maibé agora dadaun iha lista ne’ebé mak iha ne’e hamutuk,” Dehan Luis.
AJAR-CNC verifika desde tinan rua ne’e ne’ebé mak agora tama iha lista atu mai tuir programa reunifikasaun ne’e hamutuk ema na’in 30, Inklui 100 itál ona hasoru ona sira nia família tanba agora ne’e 80 ona mak ami konsege fasilita ona sira maihasor sira nia família.” Nia Esplika.
Durante tinan 2020-2021 la bele kontinua buka familia ne’ebé lakon iha Indonézia tanba impaktu hosi Covid-19, nune’e labele kontinua halo servisu durante tinan rua nia laran,” katak Director AJAR. Ana
